اسلام آباد۔ 02مئی (اے پی پی) وزیراعظم محمد نواز شریف پارینے کہ اردو ئِ بطور سرکاری زبان رائج کننگ کن گچین گام گیج کننگے انتئے کہ دا آئینی ئُ گرج اسے۔ اوداہیت ئِ قومی تاریخ و ادبی میرات کن وزیراعظم نا سلاہکار عرفان صدیقی تون ہیت و گپ کرسا پارے ہرا دوشنبے آ وزیراعظم تون اوڑدہی کرے۔ عرفان صدیقی تینا ڈویژن نا کارکڑد خاص کر بطور سرکاری زبان اردو نا نفاذ کن کروک آگام گیج آتیان وزیراعظم ئِ معلومدار کرے۔ وزیراعظم پارے کہ قائد اعظم نا نظریات و علامہ اقبال نا افکارئِ پوسکن آ نسل اسکان رسیفنگ کن ٹھوس ڈٹ بندی کننگے۔ وزیراعظم پارے کہ انتہاپسندی کون آ لعنت نا چٹفنگ کن علمی و ادبی سرجزآتا مون آ دننگ بے کچ المی ئِ۔ وزیراعظم اسلام آباد اٹی قومی کتاب میلہ نا سرسہب اڈتننگ آ عرفان صدیقی ئِ مبارکباد ترسا پارے کہ دننگا جان جوڑی سرجزآتے صوبہ غاتسکان ہم ودفنگے۔
