لاس اینجلس۔ 9 اپریل (اے پی پی) سعودی ولی عہد ءُُ وزیر دیمپانی شہزادہ محمد بن سلمان ءَ گوشت کہ سعودی عرب ءَ سزائے موت ءِ کانود سرجمیں رنگ ءَ مھتل دارگ نہ بیت البت ایشی ءِ تہ ءَ کمی ضرور کنگ بیت۔ ٹائمز میگزین ءَ را انٹرویو دیان ءَ آئی ءَ گوشت کہ امریکا ءَ ھوار بازیں ملک آں مرچی ھم سزائے موت ءِ کانود برجا اِنت۔ مئے کرا اے بابت ءَ کانود ساپ ءُُ تچک اِنت پدا ھم ایشی ءِ سر ءَ چار ءُُ تپاس کنگ بوھگ ءَ اِنت سزائے موت ءِ مٹ ءَ امبر کیز ءِ سزا ءِ سر ءَ عمل کنگ بوھگ ءَ انت۔ ھرکس کسے ءَ را ناھک ءَ بُکش اِت گڈا کانود ءِ رد ءَ ایشرا سزا ءِ موت دیگ بہ بیت۔ سعودی عرب ءِ بادشاہ ھُشکا فرامین جاری نہ کن اَنت آ کانود ءِ رد ءَ کار کن اَنت۔ ملک ءِ فرمانروا ءَ را بادشاہ ءِ بستار ءَ چوں کار کنگ لوٹ ایت ایشی ءِ سرجمیں تران است اِنت۔ سزائے موت ءِ بابت ءَ جیڈھ چار ءُُ تپاس بوھگ ءَ انت۔
