اسلام آباد۔30مارچ(اے پی پی) بنجاھ ءِ چیردستی ءَ قبائلی علاقہ جات ءِ ادارکی بے لوگ بوتگیں مردمانی لوگانی ملام دیئگءِ ھاترءَ تاں انوں 12ارب کلدار بھرءُ بانگ کنگ بوتگ اَنت۔ فاٹا ءِ تعمیر نو ءُ بحالی ءِ پروگرام منیجر ءَ ’’ اے پی پی‘‘ ءَ را ھال داتگ کہ فاٹا ءِ ادارکی بے لوگ بوتگیں مردماناں آپریشن ضرب عضب ءِ تہا آماچ بوتگیں لوگانی ھاترءَ ملام ءِ دیئگ جاری اِنت، 85ہزار لوگانی سروے کنگ بوتگ ، سرجمی ءَ تباھ بوتگیں لوگءِ ملام چار لکھ کلدار وھدے کہ کمو نقصان بوتگیں لوگءِ ملام یک لکھءُ 60ہزار کلدار دیئگ بوھگءَ اِنت۔
