اقوام متحدہ ءِ سیکرٹری جنرل ءِ گوما گند ءُ نند ءَ وفاقی داخلہ ءِ وزیر ءَ گوشت کہ امن ءِ برجائی ءِ درستیں مشن آنی سوبمندی ءِ واستہ یک عملی مینڈیٹ ءُ لوٹوکیں وسیلگ المی اَنت

نیویارک۔9جولائی  (اے پی پی): وفاقی تہی کارانی وزیر محسن نقوی ءَ اقوام متحدہ ءِ ہیڈ کوارٹر ءَ اقوام متحدہ ءِ سیکرٹری جنرل انتونیو گوتریس  ءَ گوں گند ءُ نند کتگ ءُ دمگی جاور ءُ میاں اوستمانی معاملہ، مغربی کنارہ ءَ جیڈھ آناں ھلاسی ءِ واستہ پاکستان ءِ میانجی داری ءِ کوشست ءُ اقوام متحدہ ءِ ھاسیں پاکستان ءِ امن ءِ رکھینگ ءِ بے دروریں ھزمت آنی سر ءَ گپ ءُ تران کتگ۔ وزارت توکی کار ءِ جارکش ءِ رد ءَ گند ءُ نند ءَ اقوام متحدہ ءِ سیکرٹری جنرل ءَ امن ءِ واستہ پاکستان ءِ کوشست آناں ساڑاتگ۔ اے موہ ءِ سر ءَ تہی کارانی وزیر محسن نقوی ءَ گوشت کہ چیلنج آنی باوجود پاکستان ءِ مزن وزیر شہباز شریف ءُ فیلڈ مارشل سید  عاصم منیر ءَ دمگی امن ءُ ایمنی ءِ دیمروئی ءُ انسانی جان آنی رکھینگ ءِ واستہ زمہ واریں کرد پیلو کتگ۔ آئی ءَ گوشت کہ امن ءِ برجائی ءِ درستیں مشن آنی واستہ عملی مینڈیٹ ءُ لوٹوکیں وسیلگ المی اَنت۔ اقوام متحدہ ءِ سیکرٹری جنرل ءَ پاکستان ءِ منت گپت کہ آئی ءَ اقوام متحدہ ءِ امن مشن آنی تہ ءَ دیریں وھد ءَ چہ کمک کتگ تانکہ میاں اوستمانی امن ءُ ایمنی ءِ برجائی ءِ مول ءُ مراد ءِ سرجم کنگ بہ بیت۔