وانگ ءِ رچ، پائیدار امن، وت جوڑیشتی ھیل کاری، نوآبادیاتی ءُ اقتصادی سفارتکاری پاکستان ءِ اقتصادی آیوکیں وھد ءِ ستون اَنت، وفاقی وزیر پروفیسر احسن اقبال ءَ کافوہ منار ءَ پاکستانی کمیونٹی ءَ گوں تران

اسلام آباد۔9جولائی  (اے پی پی): منصوبگ بندی، دیمروئی ءُ ھاسیں گامگیج آنی وفاقی وزیر پروفیسر احسن اقبال ءَ گوشت کہ وانگ ءِ رچ، پائیدار امن، وت جوڑیشتی ھیل کاری، نوآبادیاتی ءُ اقتصادی سفارتکاری پاکستان ءِ اقتصادی آیوکیں وھد ءِ ستون اَنت، وھدیکہ ملک ءَ نندوکیں پاکستانی راجی دیمروئی ءِ تہ ءَ ھاسیں کرد پیلو کن اَنت۔ پنچ شمبے ءِ روچ ءَ وزارت ءِ منصوبگ بندی، دیمروئی ءُ ھاسیں گامگیج آنی نیمگ ءَ چہ جاڑی بوتگیں پریس ریلیز ءِ رد ءَ کافوہ منار ءِ تر ءُ تاب ءِ ساھت ءَ پاکستانی چاگرد ءَ گوں تران کنان ءَ وفاقی وزیر پروفیسر احسن اقبال ءَ گوشت کہ پاکستانی چاگرد ءِ گوما گند ءُ نند ءَ ملک ءِ اقتصادی آیوکیں وھد ءِ سر ءَ دلگوشی دیگ بیت۔ آئی ءَ گوشت کہ براؤن ملک مقمر پاکستانی زانت، سرمایہ کاری ءُ ٹیکنالوجی ءِ وسیلگ ءَ پاکستان ءِ دیمروئی ءِ تہ جوانیں کرد پیلو کت کنت۔ آئی ءَ گوشت کہ توامیں اختلاف آنی تہ ءَ چہ دیم ءَ "پاکستان اول” ءِ جزب ءَ را دیم ءَ برگ وھد ءِ لوٹ اِنت۔ آئی ءَ گوشت کہ اوپن ءِ بورڈ ءِ باسک آں گوں گند ءُ نند ءِ ساھت ءَ پاکستان ءِ انوویشن کمیونٹی، ٹیکنالوجی ءُ کاروباری دیمروئی ءَ را دیم ءَ برگ ءِ واستہ جتاجتائیں گامگیج آنی سر ءَ تپاکی بوتگ۔ آئی ءَ گوشت کہ اقتصادی سفارتکاری ءَ را گیش کارآمد جوڑ کنان ءَ پاکستانی سفارتی مشن آناں تجارت، برآمدات ءُ ٹیکنالوجی کمک ءِ دیمروئی ءِ واستہ مرکز جوڑ کنگ بیت۔ پروفیسر احسن اقبال ءَ گوشت کہ ورنا آناں وت جوڑیشتی ھیل کاری (اے آئی) ءُ نوکیں ڈیٹا ءِ مہارت ءَ چہ لیس کنگ ءِ واستہ مشاورتی گروپ جوڑ کنگ بنت وھدیکہ نصاب ءَ را ھم آیوکیں وھد ءِ لوٹ آنی گوما ھمگرنچ کنگ بیت۔ آئی ءَ گوشت کہ سلیکن ویلی ءُ پاکستان ءِ نیشنل انوویشن سنٹر آنی نیام ءَ شریکداری ءِ وسیلگ ءَ پاکستانی اسٹارٹ اپس آناں جھان ءِ مارکیٹ آناں رسائی پجاری کنگ بیت۔ آئی ءَ گوشت کہ پاکستانی انجینئر ءُ آئی ٹی ایکسپرٹ آنی تہ ءَ جھان ءِ تک ءِ مہارت است انت ایشانی صلاحیت آنی تہ ءَ سرجمی ءَ کارمرد کنگ بیت۔ وفاقی وزیر ءَ گوشت کہ پاکستان ءَ پلگ اینڈ پلے ءِ بنگیج ءِ واستہ راہ ءَ را پچ کنگ ءِ واستہ لیٹر آف انٹینٹ ءِ سر ءَ دستخط کنگ بوتگ۔ اے شریکداری ءِ چیر دستی ءَ اسلام آباد ءُ کراچی ءَ را انوویشن ہب ءِ رنگ ءَ دیمروئی دیگ بیت وھدیکہ ملک ءِ مزنیں یونیورسٹی آں چہ 300 اسٹارٹ اپ گلوبل پارٹنر آنی ایکسلریشن پروگرام آں گوں ہمگرنچ کنگ بنت۔ آئی ءَ گوشت کہ اے شری داری ءِ وسیلگ ءَ پاکستانی اسٹارٹ اپس آناں سرجمیں دگنیا ءِ 600 ءَ چہ گیش گلوبل کمپنی آں گوں ھمگرنچ ءُ کمک کنگ ءِ موہ رس ایت، ایشی ءَ چہ پاکستان ءِ ٹیکنالوجی بنیات ءِ سر ءَ بنیات ءِ معیشت دیمروئی بیت۔