APP26-29 ISLAMABAD: March 29 - President Mamnoon Hussain in a meeting with the Board of Governors, GIK Institute at the Aiwan-e-Sadr. APP

اسلام آباد۔29مارچ(اے پی پی) ملک ءِ صدر ممنون حسین ءَ گشتگ کہ باندات نوکیں نسل ایگ اِنت ، ھمے ھاترءَ المی اِنت کہ پاکستان ءِ ورناھ دلپروشی ءَ چہ رکھینگ بہ بنتءُ اُمیت دیئگ بہ بنت، اے کار وانگءُ زانگءَ ھوار تربیت ءِ وسیلگءَ چہ ھاصل کنگ بوت کنت۔ اے ھوالگءَ غلام اسحاق خان انسٹی ٹیوٹ ءِ اِزمت باز جوان اَنت۔ آئیءَ اے گپ غلام اسحاق خان انسٹی ٹیوٹ ءِ بورڈ آف گوارنرز ءِ ڈل ءَ گوں گپءُ تران کنانءَ کتگ کہ آھاں انجینئر شمس الملک ءِ سروکی ءَ پنچ شمبے ءِ روچءَ گند ءُ نند کتگ۔ اے موھءِ سرءَ مزن وزیر ءِ ھاسیں کمک کار خواجہ ظہیر ءُ شکیل درانی ءُ دگہ مزنیں حکام ھم ساڑی بوتگ اَنت۔ ملکءِ صدرءَ گشتگ کہ غلام اسحاق خان انسٹی ٹیوٹ سائنس ءُ ٹیکنالوجی وانگءُ زانگءُ پٹءُ پولکاری ءِ پڑءَ یک مزنیں درچکے ءِ ارزشت اِنت کہ آئیءَ ماتیں وطنءِ ھ اترءَ بازیں قربانی داتگ۔ آئیءَ گشتگ کہ راجی ادارگ اے وڈءَ دیم روئی کن اَنت کہ ایشاناں دیمءَ برگءِ ھاترءَ گیش گہتریں کمک کار جوڈ بنت۔

متعلقہ مضامینمصنف کی طرف سے مزید