اسلا م آباد۔29مارچ(اے پی پی ) پاک بحریہ ءِ کمانڈاینڈ اسٹاف کانفرنس نیول ہیڈ کوارٹر ز اسلام آباد ءَ سرجم بوتگ ۔ کانفرنس ءِ سروکی چیف آف دی نیول اسٹاف ایڈمرل ظفر محمود عباسی ءَ کتگ۔ کانفرنس ءِ تہا پاک بحریہ ءِ آپریشنل تیاری، استیں سکیورٹی ءِ جاورھال ءُ ٹروپس ءِ ٹریننگ ءُ پلاح ءِ ھوالگءَ بازیں کارانی تپاسی کنگ بوتگ۔ چیف آف دی نیول اسٹاف ءَ ر ا پاک بحریہ ءِ بازیں جاری ءُ بانداتءِ منصوبہ آنی سرءَ شونشت دیئگ بوتگ۔ سکیورٹی ءِ انوگیں جاورھال ءِ تپاسی کتگءُ چیف آف دی نیول اسٹاف ءَ پاک بحریہ ءِ آپریشنل تیاری آنی سرءَ سدکی ءِ درشانی کتگ۔ نیول چیف ءَ پاکستان ءِ ھاسیں میری ٹائم انفراسٹرکچر ءِ بحری دیمپانی ءُ راجی میری ٹائم میراثانی پلگارگءِ ھوالگءَ پاکستان نیوی ءِ جزم ءِ درشانی کتگ۔ نیول چیفءَ مشق رباط۔18ءِ سوبمندی برجمی ءَ را ساڑاتگ ءُ اے پڑءِ ھمگرنچیں جیڑھ ءُ جنجالاں گرءُ دار کنگءِ مزنیں درجگ ءِ آپریشنل تیاری ءِ گوما دیمپانی کنگءِ سرءَ زور پِرداتگ۔ آئیءَ خطہءِ تہا میری ٹائم انوائرمنٹ ءِ تہا بوتیں مٹءُ بدلی ءُ ملکی میری ٹائم پاھدگانی پلگارگ ءَ ر ا تپاسگ ءِ سکین داتگ۔ کمانڈاینڈ اسٹاف کانفرنس ءَ را پاک بحریہ ءِ پسیلہ سازی ءِ ھاسیں بستارے است کہ آئیءِ تہا دراھیں چیفس آف اسٹاف، پرنسپل اسٹاف آفیسرز ءُ فیلڈ کمانڈرز پاک بحریہ ءِ دیمپانی پالیسی ءُ منصوبہ آنی تپاسی کنگ بیت۔
