اسلام آباد۔29مارچ(اے پی پی) چین پاکستان اقتصادی راہداری ( سی پیک) ءِ پروجیکٹ ڈائریکٹر حسن داؤد بٹءَ گشتگ کہ چین پاکستان اقتصادی راہداری ءَ چہ معاشی دیمروئی ءِ مزنیں موھ پیداک بنت کہ ایشی ءَ چہ چاگردءِ تہا دراھیں تبکاناں جوانیں اثر بیت۔ اے ھیالانی درشانی آئیءَ ’’اے پی پی ‘‘ ءَ گوں گپءُ تران کنانءَ کتگ۔ آئیءَ گشتگ کہ چین پاکستان اقتصادی راہداری ءِ ردءَ دگ، ریلوے ءُ دھکا آنی پڑآں مزنیں کساسے ءَ زرکاری کنگ ءَ اِنت کہ ایشی ءَ چہ پاکستان ءَ را اقتصادی دیم روئی گیش کنگ، نیزگاری ءِ تہا کمی ، نوکیں بیپاری کشکانی جوڈ بوھگءَ چہ آماچ بوتگیں آباتی ءِ ھاترءَ کمک ءِ پھجارینگ ءَ کمک رسیت۔ آئیءَ گشتگ کہ سی پیک ءِ ردءَ گوادر ءَ ھاسیں منصوبہ ءِ تہا گوادر میاں اوستمانی بالی پڑ، ایکسپریس وے ، گوادر فری زون ءُ پورٹ ، ڈویلپمنٹ ءَ ھوار بازیں منصوبہ آنی سرءَ گشادی ءِ گوما کار جاری اِنت۔ آئیءَ گشتگ کہ بنجاھی حکومت ءَ سرکاری پڑءِ دیمروئی پروگرام ءِ تہا گوادر ءِ دیمروئی ءِ ھاترءَ ھاسیں فنڈ ایر کنگ بوتگ اَنت کہ ایشیءِ سرجمی ءَ چہ ملک ءِ اقتصادی ءُ معاشی دیمروئی ءُ وشھال ی ءِ اہداف ءَ کمک رسیت۔ حسن داؤد بٹءَ گشتگ کہ گوادر ءِ دھکہ ءِ اپ گریڈیشن ، ایسٹ بے ایکسپریس وے ءُ گوادر شہرءَ را منصوبہ بندی ءِ ردءَ جوڈ کنگءِ ھاترءَ ماسٹر پلان ءِ سرءَ دلگوشی بنیاتانی سرءَ کار بوھگءَ اِنت۔
