موسمیاتی مٹ ءُ بدلی ءُ دگہ کارانی سرءَ قدرتی آپتانی تہا گیش بوھگءَ را گرءُ دار کنگءِ ھاترءَ مزن تک ءِ تیاری ءُ ادارہ جاتی ردعمل ءِ ضلورت اِنت وھدے کہ این ڈی ایم اے ءِ کارءَ گہترءُ گشاد کنگ ءِ ھاترءَ مزن وزیر کارگس ءِ چیردست کنگءِ اصولی پسیلہ کنگ بوتگ ءُ بنجاھی تک ءَ پائلٹ منصوبہ ءِ ارزشتءَ ماڈل نیشنل ڈیزاسٹررسپانس فورس ءِ جوڈ کنگ بیت
اسلام آباد۔28مارچ(اے پی پی ) مزن وزیر شاہد خاقان عباسی ءَ گشتگ کہ موسمیاتی مٹ ءُ بدلی ءُ دگہ کارانی سرءَ قدرتی آپتانی تہا گیش بوھگءَ را گرءُ دار کنگءِ ھاترءَ مزن تک ءِ تیاری ءُ ادارہ جاتی ردعمل ءِ ضلورت اِنت وھدے کہ این ڈی ایم اے ءِ کارءَ گہترءُ گشاد کنگ ءِ ھاترءَ مزن وزیر کارگس ءِ چیردست کنگءِ اصولی پسیلہ کنگ بوتگ ءُ بنجاھی تک ءَ پائلٹ منصوبہ ءِ ارزشتءَ ماڈل نیشنل ڈیزاسٹررسپانس فورس ءِ جوڈ کنگ بیت۔ نیشنل ڈیزاسٹر منیجمنٹ کمیشن ءِ پنچمی دیوان چارشمبے ءِ روچءَ مزن وزیر ءِ سروکی ءَ بوتگ۔ چیئرمین این ڈی ایم اے لیفٹیننٹ جنرل عمر محمود حیات ءَ ملک ءِ ڈیزاسٹر مینجمنٹ نظام، ، ڈیزاسٹر مینجمنٹ اتھارٹیءِ بندات ، تاں انوں ھاصل بوتگیں سوبمندی ءُ اِشتاپی جاورھالءَ را گرءُ دار کنگءِ ھوالگءَ چہ جیڑھءُ جنجال ءُ اَثر مندیں جوابی نظام ءِ ھوالگءَ شونشت داتگ۔ آئی ءَ دیوان ءَ را بازیں ملک آنی اِشتاپی جاورھال ءِ تہا ریلیف ءُ ریسکیو ءِ ھاترءَ کوشستانی تہا اتھارٹی ءِ کردءَ چہ ھم سرپد کتگ۔ دیوان ءَ این ڈی ایم سی ءَ را ایل اوسیءِ سرءَ تیر گواری ءَ چہ آماچ بوتگیں 10کروڑ42لکھ کلدار ملام دیئگ ءِ منظوری داتگ وھدے کہ دوستیں ملک آناں قدرتی اپتاں دیؤکیں کمک ءَ را ھم گیش کتگ۔ دیوان ءِ تہا این ڈی ایم اے ءِ جوانی ءُ پاھدگ ءَ را گہتر کنگءِ ھاترءَ این ڈی ایم اے ءَ را مزن وزیر کارگس ءِ دست چیر کنگءِ اصولی پیسلہ کنگ بوتگ۔ دیوان ءِ تہا این ڈی ایم ءِ استعداد کاری ءِ تہا گیشی کنگءِ ھاترءَ بازیں سرءُ سوجانی سرءَ چارءُ بچار کنگ بوتگ۔ دیوان ءِ تہا ڈیزاسٹراینڈ ریلیف منیجمنٹ ءَ گوں بندوک دگہ ادارگانی گورءَ استیں انسانی آسراتی ءَ را کارمرز کنگءُ پائلٹ پراجیکٹ ءِ ارزشت ءَ بنجاھی تک ءَ ماڈل نیشنل ڈیزاسٹرررسپانس فورس جوڈ کنگءِ پیسلہ کنگ بوتگ۔ دیوانءِ تہا تہی کارانی وزارت ءِ ہواپیما ونگ ءَ را مھکم کنگءِ پیسلہ کنگ بوتگ تنکہ این ڈی ایم اے ءَ را آئیءِ کمک کوشست ءِ تہا ہوا باز ءِ کمک پھجارینگ بہ بیت۔ دیوانءِ تہا راجی اسمبلی ءِ تہا حزب اختلاف ءِ سروک سید خورشید شاہ، سینیٹ ءِ تہا قائد حزب اختلاف شیری رحمن ، دیمپانی دیمپانی ءِ وزیر خرم دستگیر خان ، دری کارانی وزیر خواجہ محمد آصف، موسمیاتی مٹءُ بدلی ءِ وزیر مشاہداللہ خان، راجی وردن وراکی تحفظ ءُ تحقیق سکندر حیات بوسن، آپی آسراتی ءِ وزیر جاوید علی شاہ ، ھالءُ اھیوال کار مریم اورنگزیب، خیبر پختونخوا ءِ گورنر اقبال ظفر جھگڑا، گلگت ءِ سر وزیر ، بلتستان حفیظ الرحمن ، آزاد کشمیر ءِ مزن وزیر راجہ فاروق حیدر ، مزن وزیر ءِ ھزانگءِ صلہ کار مفتاح اسماعیل،وزیر برائے ڈیزاسٹر مینجمنٹ پنجاب سندھ ءِ بحالی ءِ وزیر ، این ڈی ایم اے ءِ چیئرمینءُ سینئر حکام ھوار بوتگ اَنت۔
