کراچی ۔28مارچ( اے پی پی) چیف آف دی نیول اسٹاف ایڈمرل ظفر محمود عباسی ءَ چارشمبے ءِ روچءَ گوادرءَ جوڈ کتگیں پاک بحریہ ءِ تنصیاب ءِ ترءُ تاب کتگ۔ ترءُ تاب ءِ مولءُ مراد نیول یونٹس ءِ آپریشنل تیاری ءُ گوادر ءَ جاری پاک بحریہ ءِ منصوبہ آنی تپاسی کنگ بوتگ۔ جاری کتگیں جار ءِ ردءَ گوادر بالی پڑ سربوھگءَ کمانڈرکوسٹ رئیر ایڈمرل معظم الیاس ءَ چیف آف نیول اسٹاف ءَ را وش اَتک کتگ۔ ایشی ءَ پد کمانڈرویسٹ کموڈور راحت احمد اعوان ءَ نیول چیف ءَ را میری ٹائم سکیورٹی ٹاسک فورس
88((CMS TF-88،کوسٹل سکیورٹی ءُ ہاربرڈ یفنس فورس کہ گوادر ءَ استیں سی پیک منصوبہ آنی میری ٹائم سکیورٹی ءِ ھاترءَ جوڈ کتگ، ایشیءِ سرءَ الکاپی شونشت داتگ۔ چیف آف دی نیول اسٹاف ایڈمرل ظفر محمود عباسی ءَ CMSTF-88ءِ آپریشنل تیاری آنی سرءَ سدکی ءِ درشانی کتگءُ بحری کشکاں چہ ھترہ آں گوں دیمپانی کنگءِ ھاترءَ ٹاسک فورس ءَ را گیش مھکم ءُ فعال جوڈ کنگءِ سرءَ زور پِر داتگ۔ اے موھءَ گوادر پورٹ اتھارٹی ءِ چیئرمین ءَ ھم گوادر پورٹ ءِ سُرءُ پڑ ءُ پورٹ ءُ شہر ءَ را گیش پراھ کنگءِ منصوبہ آنی ھوالگءَ شونشت داتگ۔ ایڈمرل ظفر محمود عباسی ءَ بحریہ ماڈل اسکول گوادر ءِ تعمیراتی کارانی تپاسی کتگ۔ آئیءَ ھندی آباتی ءَ را وانگءُ زانگءُ جوانیں آسراتی پھجارینگءِ ھاترءَ وانگ جاھ آناں وھدءِ سرءَ جوڈ کنگءُ فعال کنگءِ پرمان جاری کتگ۔ نیول چیف ءَ بلوچستان ءِ تیاب دپءُ اورماڑہ ءُ گوادر ءَ تعینات پاک بحریہ ءِ افسر ءُ ورناھ آں گوں گندءُ نند کتگءُ ملک ءِ تہا بحری سیمسر آنی دیمپانی ءِ ھاترءَ آھانی جزم ، بے مٹیں اِزمت ءُ جزبگءَ را ساڑاتگ۔
