اسلام آباد۔28مارچ(اے پی پی ) اسلام آباد ۔ پیسرگیں مزن وزیر محمد نواز شریف ءَ گشتگ کہ مرچی واجد ضیا ءِ بیان ءَ کہ راستی دیمءَ آؤرتگ اَنت اے درساں دیستگ اَنت ءُ ھال در گواہ اِنت کہ واجد ضیاءِ گوائیءَ چہ مہ سوبمند بوتاں، اے مقدمہ ءَ چہ ایچ دراھگءِ گنجاش نیست، اگاں سزا دئیگ انچو المی اِنت کہ گڈا منی نام ءَ ٹیکنا ، ایس جی ایس ، حج سکینڈل یارینٹل پاور ءِ کجام ھم کیسءِ تہا مان بہ کن اَنت، آھودہ اربءُ کھرب کلدار ءِ الب ورگی کنگ بوتگ، منءَ منی لوگی ءِ ھال پُرسی ءِ ھاترءَ لندن رؤگءَ دارگ بوھگءَ اِنت، منی دعا اِنت کہ اللہ تعالیٰ دراھیں نادراھ آناں جانءُ سلامتی بہ دنت۔ چارشمبے ءِ روچءَ احتساب آمید گسءِ ڈنءَ ھال درءَ گوں گپءُ تران کنانءَ آئیءَ گشتگ کہ منءَ منی لوگی ءِ ھال پُرسی ءِ ھاترءَ لندنءَ رؤگ ءِ موکل دیئگ نہ بوھگءَ اِنت منی دعا اِنت کہ اللہ تعالیٰ درسیں نادراھءُ منی لوگی ءَ را جان ءُ سلامتی بہ دنت۔ آئی ءَ گشتگ کہ اسٹارگواہ ءُ چیف گواہ ءَ را درساں دیست ءُ واجد ضیاء ءَ چوں یک پہ یک ءَ مارا سوبمبد کُت ءُ اللہ تعالیٰ سوبمند کنوکیں زات اِت۔
