اسلام آباد۔ 28مارچ(اے پی پی) ملکءِ صدر ممنون حسین ءَ را بوسٹوانا ، ایکوڈور ءُ فن لینڈ ءِ نامزد سفیراں وتی سفارتی سند پیش کتگ اَنت۔ اے ھوالگءَ چارشمبے ءِ روچءَ ایوان صدر ءَ یک پُرمڈاھیں مراگشے بوتگ، ایشی ءَ پد سفیرآں ملک ءِ صدرءَ گوں جتاھ جتاھ گندءُ نند کتگ کتگ۔ اے موھ ءِ سرءَ ملک ءِ صدرءَ سفیرآں گوں گپءُ تران کتگءُ گشتگ کہ پاکستان یورپ، افریقہ ءُ جنوبی امریکہ ءَ ھوار دراھیں ملکانی گوما سفارتی ءُ بیپاری سیادی ءَ ر ا گیش پراھ ءُ شاھگان کنگءِ واھشت مند اَنت ۔ آئی ءَ اے گپءِ سرءَ زور پِر داتگ کہ پاکستان میاں اوستمانی براتی ءِ یک زمہ واریں باسک اِتءُ دراھیں کثیر الجہتی ءُ میاں او ستمانی فورم آنی سرءَ دگہ ملک آنی گوما نزکیں کمکءِ وسیلگءَ یک جاھ کار کنگءَ اِنت۔ آئیءَ گشتگ کہ انوگیں حکومت ءِ پالیسی آنی برکتءَ پاکستان ءِ اقتصادی اشارئیے گہتر بوتگ اَنت کہ اے میاں اوستمانی معاشی ادارگاں ھم من اِتگ۔
