اسلا م آباد۔28مارچ(اے پی پی) انسانی ھکانی بنجاھی وزیر ممتاز احمد تارڑ ءَ گشتگ کہ حکومتءَ انسانی ھکانی ادارگ ، انسانی حکانی ھوالگءَ جوانیں پالیسی جوڈ کتگ، حکومت میاں اوستمانی تکءَ انسانی حکانی ھوالگءَ کنونشنز ءِ سرءَ عمل درآمد کنگءِ ھاترءَ جز م کتگ، انسانی ھکانی نیشنل ایکشن پروگرام شش ھاسیں نکات ءِ سرءَ اِنت کہ ایشی ءِ تہا اصلاحات ءُ کانود سازی ھوار اَنت۔ آ چارشمبے ءِ روچءَ وومن پارلیمانی کاکس ءُ حکومت آسٹریلیا ءِ کمک ءَ چہ پاکستان بوتگیں راجی کنونشن ءِ بنگیجی سیشن ءِ تہا ھاسیں مہمان ءِ ارزشتءَ تران کنگءَ بوتگ۔ بنگیجی سیشن ءَ چہ پاکستان ءَ آسٹریلیا ءِ ہائی کمشنر مارگریٹ تھامسن، وومن پارلیمانی کاکس سیکرٹری شائستہ پرویز ملک ءُ بانی سیکرٹری نفیسہ شاہ ھم تران کتگ۔ کانودءِ وزیر ءُ انصاف ءَ گشتگ کہ مئے آئین ، مذہب ءِ تہا بنکی انسانی ھکاناں ھاسیں ارزشتے اَست ، حکومت انسانی ھکانی رکھینگءِ ھاترءَ کوشست کنگءَ اِنت۔ مارلیمانی وومن کاکس آئین ءَ گوں ھمگرنچیں جیڑھءُ جنجال پدر کنگءَ ھاسیں کرد داریت، 13می راجی اسمبلی ءِ تہا آئیءِ ساڑی بوھگءَ را مول ءُ مراد اَست اِنت۔ آئی ءَ آسراتی، عم ءُ ادارگانی تہا یک وڈیں ھک ءِ ھاترءَ بے مٹیں کرد پیلو کتگ۔ آئی ءَ گشتگ کہ حکومت ءَ انسانی حکانی ادارگ ، انسانی ھکانی ھوالگءَ جوانیں ءُ اثر مندیں پالیسی جوڈ کتگ۔
