اسلام آباد۔28مارچ(اے پی پی) اسلام آباد چیمبر آف سمال ٹریڈرز ءِ مستر شاہد رشید بٹءَ گشتگ کہ بھارتءَ پاکستانءِ آپءَ را دارگ ءِ ھاترءَ بازیں ڈیمے جوڈ کتگ بلے مہ بازیں سالاں چہ یک ھم ڈیمے ءِ جوڈ کنگءِ سرءَ تپاک نہ کتگ۔ کالا باغ ڈیم ءِ جوڈ بوھگءَ چہ گیش دیر بوھگءَ چہ ملک ریکستان جوڈ بیت۔ حکومت اشتاپی بنیاتانی سرءَ اے جیڑھ ءِ سرءَ تپاکی پیداک کنگءِ کوشستءَ بہ کنت ءُ دگہ ڈیم ھم جوڈ کنگ بہ بنت۔ شاہد رشید بٹ ءَ یک بیانے ءِ تہا گشتگ کہ 1947ءِ تہا ملک ءِ تہا ھمک مردمءَ پنچ ہزار مکعب میٹر آپ دست کپتگ بوتگ بلے نوں آپ یک ہزار مکعب میٹر ءِ تک ءَ چہ کم بوتگ ۔
