اسلام آباد ۔ 27 مارچ (اے پی پی) مزن وزیر شاہد خاقان عباسی ءَ سئے شمبے ءَ کوہاٹ ءَ مول پاکستان ءِ تولنج گیس پراسیسنگ پلانٹ ءِ بنگیجی کتگ۔اے درگت ءَ گورنر خیبر پختونخوا اقبال ظفر جھگڑاھم ساڑی اتنت۔تولنج منصوبگ پبلک پرائیویٹ پارٹنر شپءِ شرتریں مثال انت۔اے نوکیں پلانٹ ءَ چہ ملک ءِ گوریچانی بہرانی ھواری ءَ کے پی کے ءَ را گیس ءِ سپلائی ءَ ودکی کئیت۔ مول پاکستان ءَ منصوبگ ءَ یک ءُُُ نیم کروڑ ڈالر ءِ ھرچ ءَ گوں سرجم کرتگ۔ تولنج پلانٹ ءَ چہ دو کیوبک فٹ گیس ھر روچ پیدا بیت ، تولنج منصوبگ ءَ چہ راجی ھزانگ ءِ تہ 3 کروڑ 10 لکھ ڈالر سالینگ گیشی بیت۔ منصوبگ ھاٹیگ ءِ لوٹ ءَ پیلو کنگ ءِ ھاترا ھاسیں سنگ میل ثابت بیت۔
