اسلام آباد ۔ 27 مارچ (اے پی پی) مزن وزیر ءِ صلاح کار برائے راجی دیمپانی لیفٹنینٹ جنرل ناصر خان جنجوعہ ءَ گوشت کہ سی پیک ایوکا پاکستان نہ بلکیں سرجمیں دمگ ءِ وشھالی ءُُ دیمروئی ءِ منصوبگ انت،اے درگت ءَ اوگانستان ءِ تہ ایمنی اژدری انت تنکہ اے پُرشانیں منصوبگ ءِ پائدگ دگہ دمگءَ تاں سر بنت،فاٹا ءِ تہ امن ءِ برجاہی ممکن جوڈ کت،پاکستان ءِ زھگانی باندات روژن انت۔اے ھیالانی درشان آہاں سئے شمبے ءَ ایوان ءِ قائد فاطمہ جناح پارک ءِ تہ نظریہ پاکستان کونسل ءِ رد ءَ برجمیں گولڈ میڈل ایوارڈز ءِ مراگش ءَ گوں گوشتانک دیان ءَ گوشتگ ات۔اے موہ ءَ صدر آزات جموں ءُُ کشمیر سردار مسعود خان ،نظریہ پاکستان کونسل ءِ چیئرمین ڈاکٹر نعیم غنی، سینئر نائب صدر میاں محمد جاویدءُُ لہتیں کالج آنی ءُُ شاھدربرجاھانی نودربراں، داد زوروکانی ھوار آہانی عزیزاں ،چاگردی جہدکار،رسانکدرانی نماھندگ ءُُ سول سوسائیٹی ءِ مردماں بہر زوراتگ۔مراگش ءَ گوں گوشتانک کنان ءَ لیفٹیننٹ جنرل (ر) ناصر خان جنجوعہ ءَ گوشت کہ نظریہ پاکستان کونسل حقوق العبادءِ ھاترا کار کنگ انت ءُُ اے یک وڈیں عبادت انت،اے مراگش ءَ زھگاں شریں کارنامہ کتگ انت ایشی ءَ آہاں را مراد بات پیش کنگ ات۔آہاں گوشت کہ مئے ایجنڈہ مسلمان ءُُ در مسلم آنی نماھندگی کنگ انت،اے پاکستان انت کہ مہ اوگانستان ءَ گوں پجی ءَ وتی جان آنی ندرانہ پیش کنان ءَ سپر پاور ءَ را پروشت داتگ۔
