کوہاٹ۔ 27مارچ (اے پی پی) وزیراعظم شاہد خاقان عباسی پارینے کہ پاکستان اٹی توانائی نا بشخ اٹی ساڑی آ حکومت بھاز کاریم کرینے ہرانا سوب گیس انا کاختی و لوڈشیڈنگ ناویل انابھلو حد اسسکان مون ءِ توننگانے و لوڈشیڈنگ نا ویل ءِ ہم ایسر کرین۔ بروک آ منہ تُو آن پد ہچ ءُ لوڈشیڈنگ اس مفک۔ گیس انا بشخ اٹی پوسکن آ دریافت آتیان توانائی نا رکھ ءِ المی جوڑ کننگ اٹ کمک رسینگک، پاکستان اٹی ہندی و درملکی زرکارآتے ہروڑنا آسراتی تا فراوانی ءِ المی جوڑ کننگ اُن۔ داخیال آتا درشانی ءِ او سے شنبے نادے داڑے گیس پراسیسنگ پلانٹ تولنج نا بنائی دود آن تران کرسا کرے۔ داکان مست وزیراعظم شاہد خاقان عباسی مول پاکستان نا تولنج گیس پروسیسنگ پلانٹ نا بناءِ کرے۔ داوخت آ گورنر خیبر پختونخوااقبال ظفر جھگڑا و آئل اینڈ گیس کمپنی نا سینئر کمامدارو مول انا عہدیدار آک ہم ساڑی ئسر۔ تولنج ڈٹ پبلک پرائیویٹ پارٹنر شپ انا عمدہ ءُ مثال اسے۔ دا پوسکن آ پلانٹ آن ملک انا قطبی بشخ بشمول کے پی کے ءِ گیس انا سپلائی ٹی ودکی مریک۔ مول پاکستان ڈٹ ءِ یک ءُ نیم کروڑ ڈالر نا خڑچ آن پور و کرے۔ تولنج پلانٹ آن اِرا کروڑ کیوبک فٹ ہردے گیس ودی مریک۔ تولنج ڈٹ آن قومی خزانہ ٹی 3 کروڑ 10 لکھ ڈالر سالانہ ودکی مریک۔ ڈٹ توانائی نا گرج آتے پورو کننگ کن مزل نا نشان اس جوڑ مریک۔ وزیراعظم دود آن تران کرسا خیبر پختونخواٹی دا گیس انا پیداوار نا غٹ آن بھلا ڈٹ ءِ۔ او’’مول‘‘ انا زرکاری نا خیرمقدم ءِ کرسا پارے کہ پاکستان اٹی زرکاری آ مول انا منت واراُن۔ مول اتون سرسہب شریداری بھاز سرسہب ءِ، داڈٹ آن اِرا کروڑ کیوبک فٹ ہردے ئی گیس ودی مریک۔ اوپارے کہ 2013ء ٹی ننا حکومت اقتدار اٹی بس تو گیس و توانائی نا بھاز کاختی ئس ولے ساڑی آ حکومت نا گچین گام گیج آتا سوب گیس وافر کچ اٹی ساڑی ءِ، یخ انا موسم اٹی ہم ہر اُرا و صنعت ءِ گیس میسر مس و سی این جی اسٹیشن آک ہم چلینگارہ۔ صنعت آتے بلاتعطل گیس فراوان کننگ انگ ءِ۔ وزیراعظم پارے کہ لوڈشیڈنگ نا ہم بھلو حداسسکان مون ءِ توننگانے۔ پاکستان اٹی بروک آ منہ تُو آن پد ہچ ءُ لوڈشیڈنگ اس مفک و دابشخ اٹی پین زرکاری مریک۔اوپلانٹ نا آپریشنل مننگ آ مول ءِ مبارکبادی تس و کمکاری آ صوبائی حکومت نا ہم منت واری ءِ ہرفے۔
