اسلام آباد۔27مارچ(اے پی پی ) چیئرمین سینیٹ محمد صادق سنجرانی ءَ گشتگ کہ پاکستانءُ مراکش ءِ نیاءَ مزن گسی نزیکی ءِ وسیلگءَ معیشت، وانگءُ زانگ ءُ دگہ سماجی پڑآنی تہا کمک گیش کنگ بیت۔ اے ھیالانی درشانی آئی ءَ مراکش ءِ سفیر محمدکرمون ءَ گوں سئے شمبے ءِ روچءَ گندءُ نندءِ تہا کتگ۔ محمد صادق سنجرانی ءَ گشتگ کہ پاکستانءُ مراکش ءِ نیامءَ باز چیز یک وڈ اَنت ءُ دوھیں ملک آں میاں اوستمانی تک ءَ یکے دومی ءِ سرجمیءَ کمک کتگ۔ آئیءَ دوھیں ملک آنی نیامءَ معاشی، تعلیمی ءُ سیاحت ءِ پڑآنی تہا کمک ءَ را گیش کنگءِ سرءَ زور پِرداتگ ءُ گشتگ کہ مزن گسی ڈلانی یکے دومی ءِ ملکءَ دیم دیئگءَ معاشی سیادی ءَ را گیش پراھءُ شاھگانی رسیت۔ چیئرمین سینیٹ ءَ مراکش ءِ سفیر ءَ گوں ھیالءُ لیکہ ءِ درشانی کتگءُ اے اُمیت ءِ درشانی کتگ کہ مزن گسی سیادی ءِ گیش کنگءِ ھاترءَ مراکش ءِ ہاؤس آف کونسلرز ءِ صدر زوت پاکستانءِ ترءُ تاب ءَ کنت کہ ایشیءِ دعوت پیسرءَ چہ آئیءَ را دیئگ بوتگ۔ مراکش ءِ سفیر ءَ چیئرمین سینیٹ ءِ ھیالاں گوں تپاوت کتگءُ گشتگ کہ مزن گسی سیادی ءَ را گیش پراھءُ شاھگانی دیئگ بیت ءُ دوھیں ملک معاشی دیمروئی ءِ ھاترءَ یک دومی ءِ تجروبتاں چہ پاھدگ چست کن اَنت۔
