اسلام آباد۔27مارچ(اے پی پی) سرجمیں ملکءَ چہ رجسٹرڈ اوگان لڑءُ باری آنی واتری ءِ عمل جاری اِنت، تاں انوں یک ہزار 45مردم وتی وطنءَ واتر بوتگ اَنت، واتر بوتگیں رجسٹرڈ اوگان لڑءُ باریاناں یک کسے 200ڈالر یو این ایچ سی آر ءِ نیمگءَ چہ دیئگ بوھگءَ اِنت۔ سئے شمبے ءِ روچءَ وزارت سیفران ءِ حکام ءَ ’’ اے پی پی‘‘ ءَ گوں گپءُ تران کتگءُ گشتگ کہ زیمستان ءِ گڈی ءَ یکم مارچ 2018ءَ پاکستان ءَ نندوکیں رجسٹرڈ اوگان لڑءُ بار کنوکانی وطن واتری ءِ بندات بوتگ۔ گوازوکیں سال ءَ تاں انوں یک ہزار 45مردم وتی وطن اوگانستانءَ واتر شتگ اَنت۔ واتر بوتگیں مردماناں اقوام متحدہ ءِ باھوٹی آنی ادارگ یو این ایچ سی آر ءِ نیمگءَ چہ ھمک مردم ءَ 200ڈالر دیئگ بوھگءَ اِنت۔
