سی پیک ءِ ردءَ گوادر پورٹ ءِ سرءَ پریمئیر شپ کنٹینرسروس بندات بوتگ
اسلام آباد۔26مارچ(اے پی پی) چین پاکستان اقتصادی راہداری ( سی پیک) ءِ ردءَ گوادر پورٹ ءِ سرءَ پریمیئر شپ کنٹینر سروس بندات بوتگ کہ ایشی ءَ چہ ملکءِ تہا صنعت آنی دیمروئی ءَ ھوار ملکی معاشی جاورھال ءِ تہا گہتری کیئت۔ سی پیک سیکریٹریٹ ءِ پراجیکٹ ڈائریکٹر حسن داؤد بٹءَ ’’ اے پی پی‘‘ ءَ را ھال داتگ کہ نوکیں کنٹینرسروس کراچی ۔ گوادر گلف ایکسپریس ءَ گوادر پورٹ ءَ را رودراَتکی وسطیٰ ءَ جبل علی ءَ گوں بندوک کتگ۔ ایشیءَ ابید اے نوکیں سروس ءِ وسیلگءَ گوادر پورٹ متحدہ عرب امارات ءَ ابوظہبی ءُ شارجہ پورٹس ءَ رسائی ھاصل کنت۔ گوادر پورٹ ءَ چہ فروزن سی فوڈ ءِ گیش کنٹینر ایم ایس ٹائیگر ءِ سرءَ لڈگ بوتگ کہ ایشی ءَ پد اے جبل علی دھکہ ءَ رھادگ کنگ بوتگ۔ آئیءَ گشتگ کہ سی پیک پاکستان ءِ ھاترءَ گیم چینجر منصوبہ اِت، اے منصوبہ ءِ سوبمندی ملک ءَ را وشھالی ءِ نیمگءَ بارت ءُ اے ھوالگءَ اے پروجیکٹ نہ تنا ملکی معیشت ، سیاست ءُ سکیورٹی ءِ تہا بنجاھی ارزشت داریت وھدے کہ خطہ ءِ تہا ھم ھاسیں ھندءُ جاھے داریت۔ آئیءَ گشتگ کہ چین سی پیک ءِ بنجاھی ارزشت ءِ سوبءَ گوادر پورٹ ءِ سکیورٹی باز ارزشت داریت، اے مول ءُ مراد ءِ ھاترءَ پاک بحریہ ءَ ٹاسک فورس 88جوڈ کتگ کہ ایشی ءِ مول ءُ مراد گوادر پورٹ ءُ کشءُ کرءِ دمگانی رکھینگ اِنت۔ اے ٹاسک فورس گوادر پورٹ ءَ را زری ھترہ ءَ را چہ رکھینگ اِنت ءُ آھوکیں بیپاری گراناں رکھینگ ءَ اِنت ۔
