پاکستان ءُُ متحدہ عرب اماراتءِ میان ءَ راجدپتری سیادی ءَ گیش مھکم کنگ بیت
اسلام آباد ۔ 26 مارچ (اے پی پی) چیئرمین سینیٹ محمد صادق سنجرانی ءَ گوشت کہ پارلیمان ءِ دروشم انتءُُ آں پاکستان ءُُ متحدہ عرب امارات ءِ میان ءَ دوستی ءِ سیادی ءَ را ودکی دیگ ءِ ھاترا کرد ادا کنیت، دونوں ملکانی میان ءَ پارلیمانی ءُُ معاشی سیادی ءَ استیں بود ءِ ردا گیش کنان ءَ راجدپتری سیادی ءَ گیش مھکم جوڈ کنگ بیت۔ چیئرمین سینٹ ءَ اے ھیالانی درشان متحدہ عرب امارات ءِ سفیر حماد عبید ابراہیم سالم الزابی ءِ گوما سئے شمبے ءَ پارلیمنٹ ہاوس ءِ تہ گند ءُُ نند کتگ۔ محمد صادق سنجرانی ءَ گوشت کہ پاکستانءُُ متحدہ عرب اماراتءِ مردم یکجاھیں اقدار،مذہبی رھوتءُُ چاگردی ھیالات ءَ گوں بندوک انت۔دوئیں ملکاں میاں اوستمانی تبک ءَ یک دومیگ ءِ گوما سرجم کمک کت بلکیں دیمروئی ءِ یکجاھیں ایجنڈہ ءِ سرا ھم کار کنگ انت۔آہاں گوشت کہ متحدہ عرب اماراتءِ تہ لکھاں پاکستانی دیمروئی ءِ کار ءِ بہر انت وھدیکہ متحدہ عرب امارات ھم پاکستان ءَ را چاگردی دیمروئی ءُُ سماجی بہبودءِ تک ءَ کمک پھجارگ انت۔آہاں متحدہ عرب اماراتءِ واکدارانی زور دات کہ آں گیشتر پاکستانیانی ھاترا روزگار ءِ موہ پھجارانت ءُُ حاسکر 2020ایکسپو ءِ تہ ایشانی ہزمتاں چہ پائدگ چست کنگ بیت۔ چیئرمین سینٹ ءَ گوشت کہ دوئیں ملکانی میان ءَ معاشی تک ءَ استیں کمک ءِ دراجی ءِ بازیں بود ءَ چہ نپ زورگ بہ بیت ءُُ اے درگت ءَ پارلیمانی ڈل آنی تبادلہ ھاسیں کرد ادا کن انت۔آہاں گوشت کہ متحدہ عرب اماراتءِ زرکاران پاکستان ءِ تہ امن ءُُ ایمنی ءِ گہتر ءِ فضاءَ چہ پائدگ چست کنگ بیت۔ محمد صادق سنجرانی ءَ گوشت کہ سی پیک ءُُ گوادر پورٹ ءِ تہ متحدہ عرب امارات ءِ زرکارانی ھاترا بے کساسیں موہ موہ است انت چہ ایشاں دوئیں ملکانی ھاترا نپ ءُُ پائدگ مند بیت۔آہاں گوشت کہ دوئیں ملکانی میان ءَ بیئپاری کساس گیش کنگ ءِ ھاترا بیئپاری شوبگ ءِ ڈل آنی تبادلہ ءِ سرا زور داتگ۔ چیئرمین سینٹ ءَ گوشت کہ آں پارلیمانی سیادی ءَ را مھکم کنگ ءِ ھاترا متحدہ عرب امارات ءِ شور ءُُ صلاھ ءِ کونسل ءِ سپیکر ءَ را پاکستان ءِ تروتاب ءِ دعوت دنت۔
