اسلام آباد ۔ 26 مارچ (اے پی پی)پاکستان ءِ تہ چین ءِ ڈپٹی چیف آف مشن چاؤ لی جنءَ گوشت کہ چین پاکستان اقتصادی راہداری منصوبگ یک گیم چینجر انت چہ ایشی ءَ دمگءِ 3 ارب مردماں را پائدگ بیت ءُُ پاکستان ءِ تہ روزگار ءِ نوکیں موہ پیدا بنت، سی پیکءِ رداھاٹیگ، انفراسٹرکچر، گوادر پورٹ، گوادر ماسٹر پلانءِ ھوار لہتیں منصوبگانی سرا سرجمیں ملک ءَ کار گوں ترندی ءَ برجاہ انت۔اے ھیالانی درشان آہاں ’’اے پی پی‘‘ ءِ گوما گپ ءُُ تران کنان ءَ گوشت انت۔ چاؤ لی جن ءَ گوشت کہ پاکستان ءُُ چین دوئیں ملک اقتصادی راہداری منصوبگ ءَ سرجم کنگ ءَ پہ پُر جزم انت، پاکستان ءَ را وتی راستیں دوست سرپد کنگ یے ، سی پیک ءَ چہ سرجمیں دمگ ءَ وشھالی کئیت، سی پیک ءِ سوبمندی ءَ میڈیا ءُُ ربیدگی شوبگاں رھوت ءُُ کمک ءِ حاسیں کرد بوھگ لوٹیت۔چاؤ لی جنءَ گوشت کہ سی پیک پاکستان چین دوستی ءِ یک عنصر انت۔آہاں گوشت کہ دمگے دیمرئی چین ءِ کوھنیں واب انت۔ پاکستان اقتصادی راہداری چین ءُُ پاکستان ءِ میان ءَ کمک گیش کنگ ھاترا ھکمت عملی ءِ نام نیست ات بلکیں اے سرجمیں دمگ ءِ دیمروئی ءُُ وشھالی ءِ ھاتراھاسیں کرد ادا کنیت۔آہاں گوشت کہ اقتصادی راہداری ءَ چہ دوئیں ملک بلکیں دمگ ءِ دگہ ملکاں را ھم پائدگ رسیت۔آہاں گوشت کہ بیلٹ اینڈ روڈ منصوبگ 21می صدی ءِ ھاسیں منصوبگ انت،ایشی ءَ چہ افریقہ، ایشیا، مشرق وسطیٰ ءُُ یورپ ءِ65 ملک بندوک بنت۔سی پیک بیلٹ اینڈ روڈ منصوبگ ءِ فلیگ شپ منصوبگ انت۔آہاں گوشت کہ سی پیک ءِ ردا ھاٹیگ، انفراسٹرکچر،صنعتی زونز ءُُ گوادر ءِ منصوبگاں کار برجاہ انت۔آہاں گوشت کہ اے منصوبگانی سرجمی ءَ گوں گوزوکیں سال ءَ ھاٹیگ ءِ کمی ھلاس بیت، سی پیک ءَ چہ چاریں صوبگ ،گلگت بلتستان، آزات جموں ءُُ کشمیر ءُُ فاٹایک وڈ پائدگ چست کت کن انت۔
