اسلام آباد ۔25 مارچ (اے پی پی)مزن وزیر شاہد خاقان عباسی ءَ گوشت کہ ملک ءَ پی ایس ایل ءِ سوبمندیں برجم داری ءُُ ایشی ءَ سرجمیں راج ءَ را بہر زورگ ءَ مراد بات دیگاں،مسلم لیگ (ن) ءِ حکومت قائد محمد نواز شریف ءِ قول ءُُ وژن ءِ ردا راج ءَ را وشی واتر کنگ انت،یک شمبے ءَ مزن وزیر کارگِس ءَ چہ جاڑی کلوہ ءِ ردا آہاں گوشت کہ ملکی معیشت ءِ بحالی ،ایمنی ءِ برجاہی ،لیبانی گیشی حکومتی کارکردگی ءِ ثبوت انت۔مزن وزیر ءَ گوشت کہ مسلم لیگ (ن) ءِ حکومت ءَ ہرچ وھد ملک ءَ اونداہی ءَ چہ درکت روژنی ءَ گوں ھوار کتگ۔کراچیءِ تہ پی ایس ایل ءِ فائنل ءِ برجمی اے شہر ءِ بے دروریں عالمی بیستاربدلی کارایت،آہاں گوشت کہ کراچی ءِ امن ءُُ روژنیانی بحالی ءِ تہ پیسریگیں مزن وزیر محمد نواز شریف ءِ وژن ،صوبائی حکومت ءِ کمک،پاکستان ءِ سلاھ بندیں اُردو ،پولیس ءُُ کانود برجاہ داروکیں ادرگہانی ھاسیں کرد انت۔مزن وزیر شاہد خاقان عباسی ءَ گوشت کہ پی ایس ایل ءَ دراھیں راج ءَ را یک نوکیں جوزگ ءُُ وشی داتگ،حکومت اے وشی ءَ گیش کنگ ءِ ھاترا اے جوزگ ءُُ نیک نیتی ءَ گوں دیما برایت۔
