اسلام آباد ۔25 مارچ (اے پی پی)صدر مملکت ممنون حسینءَ گوشت کہ یوم پاکستان ءِ پُرشانیں پریڈ ءِ سوبمندی ءِ سرا درستاں ءَ مراد بات دیگ انت،اے ایوکا پریڈ نیست ات بلکیں پاک اُردو یءِ مثالی نظم ءُُ زبت ءِ عکاس انت ءُُ مئے دیمپانی بود ءِ مظہر انت چہ ایشی ءَ راج ءَ پکر انت۔ افواج پاکستان ءِ مزنیں ورگ ءِ دیوان ءَ گوں گوشتانگ دیان ءَ صدر مملکت ممنون حسین ءَ گوشت کہ اے مراگش ءَ ساڑی بوھگ منی ھاترا وشیں گپ انت، 23 مارچ ءِ پریڈ ءِ تہ سلاھ بندیں اُردو ءِ افسراں ءُُ ورناہاں پُرجوشیں کارکردگی ءَ راج ءِ جوزگ ءَ را جلا بکش اتگ ءُُ اعتماد ءِ تجدید ھم کتگ کہ افواجِ پاکستان وتی پُرشانیں کسبی زانتکاری ءِ آسر ءَ ماتیں وتن ءِ رکھگ ءِ ھاترا سینگ سپر انت۔صدر مملکت ءَ گوشت کہ پریڈ ءِ تہ ترکی ،اردن ءُُ تپاکیں عرب امارات ءِ دستہ ءَ بہر زوراتگ ءُُ مئے وشی ءَ دوبالا کتگ،چہ ایشی ءَ ثابت بوت کہ مئے دوست سہل ءُُ گرانیں وھد ءَ گون مئے ہمراہی ءَ اوشتاتگ انت۔پاک اُردو ءِ افسراں ءُُ ورناہاں گوں گالوار کنان ءَ ملک ءِ صدر ءَ گوشت کہ اے پریڈ ءَ ماتیں وتن ءِ شرپ ءُُ پجار ءَ میاں اوستمانی تبک ءَ سہرک کتگ انت۔ ایمان، اتحادءُُ نظم ءُُ زبتءِ اے درشان زند ءِ ہرچ تک ءَ بوھگ لوٹیت تنکہ ماتیں وتن دیمروئی کت کن ایتءُُ راج ءِ ہرچ تبک ءِ سوگ یکوئی ءَ گوں دیمروئی ءُُ سر برزی ءِ مزنیں ایداف زورگ بنت۔آہاں گوشت کہ ناشرکاری ءِ ھلاسی ءِ ھوالہ ءَ سلاھ بندیں اُردو ءُُ ماتین وتن ءِ ہمہ کہ دگہ ادارگہاں دلیریں کرد ادا کت ،ایشی ءَ درستاں یک رندے پد مراد باتی دیاں۔
