اسلام آباد ۔25 مارچ (اے پی پی)چین پاکستان اقتصادی راہداری منصوبگ ءِ پراجیکٹ ڈائریکٹر حسن داؤد بٹءَ گوشت کہ سی پیک ءِ ردا ھاٹیگ ءِ منصوبگاں گوں ترندی ءَ کار برجاہ انت آہاں چہ 10 ہزار 400 میگاواٹ توان راجی گرڈ ءَ ھوار بیت۔ کراچی پورٹ قاسمءِ تہ ہڈ پاور پلانٹ ءَ چہ گوزوکیں ماہ ءِ تاں 1320 میگاواٹ توان راجی گرڈ ءَ ھوار بیت،اے ھیالانی درشان آہاں پورٹ قاسم پاور پلانٹ ءِ ھوالہ ءَ گوں ’’اے پی پی‘‘ءِ گوما گپ ءُُ تران کنان ءَ گوشت انت۔آہاں گوشت کہ پورٹ قاسم پاور پلانٹ ءِ اولی یونٹ ءَ چہ 660 میگاواٹ توان راجی گرڈ ءَ ھوار کنگ بوتگ وھدیکہ دومی یونٹ گوزوکیں ماہ ءِ گڈی ھپتگ ءَ کار بناء کنت،آہاں گوشت کہ سی پیکءِ ردا ارلی ہارویسٹ ھاٹیگءِ منصوبگاں ساہیوال کول پاور پلانٹ ءُُ پورٹ قاسم پاور پلانٹ حاسیں منصوبگ انت ،پورٹ قاسم پاور پلانٹ 30 ماہ ءَ سرجم بوت،ایشی ءَ دگنیا ءَ سپر ٹیکنالوجی کارمرز کنگ بوتگ ہمہ چاگرد دوست انت۔آہاں گوشت کہ اے پاور پلانٹ ءِ سرا سئے ءُُ نیم ہزار کارندہاں کار کتءُُ انوں ایشی ءَ 120ءَ چہ گیش ٹیکنیکل انجینئر کار کنگ انت۔اے کساس 450ءَ تاں سر بوھگ ءِ گمان انت۔آہاں گوشت کہ پاکستانی ٹیکنیکل ءُُ مکینیکل انجینئرزءَ را پیسر ءَ ہیلکاری دیگ بوھگ انت ءُُ ایشی ءِ پد ءَ آہاں را ہیلکاری ءِ ھاترا چین ءَ دیم دیگ بوھگ انت۔آہاں گوشت کہ ایکسیں مزنین زرکاری ءَ میاں اوستمانی دگنیا ءِ سرمایہ کاراں ءَ پاکستان ءِ تہ زرکاری ءِ ھاترا دلگوش کتگ۔آہاں گوشت کہ امن ءُُ ایمنی ءِ جاورھال ءِ تہ گہتری ءِ آسر ءَ میان اوستمانی دگنیا ءَ چہ زرکار پاکستان ءِ نیمگا آھگ انت ءُُ ایشی ءَ چہ بیئپار ی چاگرد ءِ تہ گہتری اتکگ۔ سی پیک ءِ ردا دومی بہر ءَ ہائیڈرو پاور پراجیکٹ ءِ سر اکار بناء کنگ بوتگ ایشی ءِ تہ سکھی کناری ءُُ کیروٹءِ منصوبگ ھوار انت۔ سی پیکءِ ردا جاری اے منصوبگاں چہ پاکستان ءِ تہ ھاٹیگ ءِ کمی ءِ سر گرودار ءَ کمک رسیتءُُ پاکستان ءِ صنعتی شوبگ گیش دیمروئی کت کنت۔
