اسلام آباد۔ 25مارچ (اے پی پی) مفتی اعظم مصر ڈاکٹر شوقی ابراہیم عبدالکریم دہشت گردی نا برخلاف پاکستان نا 18سد آن زیات عالم دین تا متفقہ فتوہ، :پاکستان نا کلہو: نا تائیدءِ کرسا پارینے کہ اونا ملک امت نا سیوت کن پاکستان نا کوشست آتے قدر انا نظر اٹ ہرک، اسلام اسہ جہانی ءُ دعوت اسے نا پن ءِ ہرااول و پدآن بروک آتہذیب آتے تینتون اوار کرے۔ او پاکستان نا کلہو فتوہ نا بابت اسلامی یونیورسٹی نا کوشست آتا ستاءِ کرسا پارے کہ یونیورسٹی پاکستان اٹی امن نا اڈ تننگ و ورنانسل انا ذہنی و اخلاقی تربیت اٹ زہمی کروک کڑد ادا کننگ ءِ۔ یونیورسٹی نا کنڈآن یک شنبے نادے آ جاری پریس ریلیز نا رداٹ او جہانی اسلامی یونیورسٹی اسلام آباد نا ادارہ جاست وپاست اسلامی، دعوہ اکیڈمی و اقبال انٹرنیشنل ادارہ پٹ وپول و مکالہ نا کنڈآن ’’ پاکستان نا کلہو‘‘ نا بابت اڈہلوک آ سیمینار آن تران کریکہ۔
