اسلام آباد۔ 25مارچ (اے پی پی) اوورسیز پاکستانیز فاؤنڈیشن پیشن نا ملک اٹی رہینگوک آ پاکستانی تا چناتے کن اسکالر شپ انا پڑو ءِ کرینے، دا اسکالر شپ اوورسیز پاکستانیز فاؤنڈیشن فنڈ آن تننگک۔ دا اسکالر شپ انٹرمیڈیٹ آن ایم ایس پروگرام اسکان نا طالب علم آتے تننگک۔ دا اسکالر شپ اکن اہلیت ہائیر ایجوکیشن آن تسلیم شدہ تعلیمی ادارہ سے ٹی تعلیمی سال 2017ء ٹی بطور ریگولر طالب علم اندراج المی ءِ وخت اس کہ ہموطالب علم آک اہل مریرہ ہرافتا لمہ و باوہ غاتا ماہانہ انکم اسہ لکھ روپئی آن کم مرے۔ دا اسکالر شپ اکن درخواست جمع کرفنگ نا آخریکو تاریخ 30 اپریل اسکان مقرر کننگانے۔
