اسلام آباد۔ 25مارچ (اے پی پی) پاکستان ریلوے چین پاکستان اقتصادی راہداری (سی پیک) نار داٹ مین لین(ایم ایل۔1) نا ودکی و اپ گریڈیشن کن 6ذیلی ڈٹ آتا گڈیکو دستاویز ءِ پیش کرینے۔ وزارت ریلوے نا ذرائع ’’اے پی پی‘‘ ءِ پارے کہ پی سی ون نا فیز1 نا بنائی ڈیزین نا رداٹ 3400 ملین ڈالر نا شش غٹ ڈٹ آتا گڈیکو دستاویز آتے وزارت ڈٹ بندی ، شونداری و اصلاحات ءِ پیش کننگانے۔ ذرائع پارے کہ سی پیک نا رداٹ ایم ایل ۔1 ڈٹ انا بناء ٹی ہچ ءُ تاخیر اس اف ، حقیقت اٹ دااسہ بھلو کثیر الشعبہ ڈٹ اسے ہرانا جم اٹنگا خڑچ انا تخمینہ 8.2 ارب ڈالر ءِ۔ بنائی ڈیزین نا بڈنگ نا عمل ءِ گڈیکو دروشم اس تننگ آن پد داٹی ودکی گمانی ءِ۔ اوپارے کہ پاکستان ریلویز نا ایم ایل 1 نا اپ گریڈیشن (کراچی آن پشاور و ٹیکسلا آن حویلیاں) و سی پیک فریم ورک انا ڈٹ انا زوت بھرم آتے کن حویلیاں نا خڑک ڈرائی پورٹ اسے نا جوڑ کننگ اوار ءِ۔ ذرائع پارے کہ دا ڈٹ 1876 کلومیٹر آٹی ءِ ہرا کراچی آن مرسا حیدرآباد، روہڑی، ملتان، لاہور، راولپنڈی آن پشاور و ٹیکسلا آن حویلیاں اسکان سرمریک۔ ڈٹ ءِ اِرا مرحلہ ٹی بشخ وپانٹ کننگانے۔ سنٹرل ڈویلپمنٹ ورکنگ پارٹی(سی ڈی ڈبلیو پی) نا شرط آتے پورو کننگ و ڈٹ انا بنائی ڈیزین نا کاریم 2016ء ٹی بناء کننگاسس۔ پی سی ون نا منظوری آن پد انجینئرنگ ، پروکیورمنٹ و جوڑ جاڑی ٹھیکیدار مقرر مریک ہرا مسابقتی بولی نا عمل نا کمک اٹ چینی فرم آتا نیام اٹ بین الحکومتی فریم ورک ایگریمنٹ نا رداٹ پورو مریک۔
