اسلام آباد ۔ 24 مارچ (اے پی پی)مزن وزیر شاہد خاقان عباسی ءَ گوشت کہ اگہ دیمروئی ءِ راھ ءَ اڑاند مان نہ کنگ بوت ات گڈا پاکستان ءِ جاور دگہ بوت انت،سید والہ ءُُ بچیکیءِ تہ گیس ءِ پھجارگ ءِ منصوبگ ءِ سرا کار برجاہ انت،اوکاڑہ۔ جڑانوالہ روڈءِ سرا دریائے راوی سرا رائے منصب علی خان پل ءِ جوڈ ءِ بنگیج گوستگیں حکومت ءَ کتگ ات وھدیکہ استیں حکومت ءَ اے منصوبگ ءَ وتی دلگوشی ءَ ھوار کنان ءَ فنڈز ءِ پھجارگ یقینی کتگ،اے منصوبگ دمگ ءِ مھلوک ءِ کوھنیں لوٹ اتنت ءُُ حکومت ءَ ایشانی لوٹ پیلو کتگ نوں مھلوک پیسلہ کنت کہ ایشاں ءَ کار کنوکیں راھدربر ءِ ضلورت انت کہ زاں دیوکیں راھشون، رائے منصب علی خان پلءِ جوڈ بوھگ ءَ چہ دمگ ءِ معاشی ءُُ چاگردی دیمروئی ءَ باز کمک رسیت ، مسلم لیگ (ن)ءِ حکومتءَ را راج ءِ ہزمت ءَ چہ داشت مہ بیت،مسلم لیگ (ن) ءِ کارکردگی سرجمیں ملک ءِ تہ کُلانی دیما انت،مھلوک آوکیں لس گچینکاری ءَ راست پیسلہ ءِ وسیلگ ءَ وتی راھدربر ءَ گچین کن انت۔اے گپ آہاں ھپتگ ءَ ننکانہ صاحب ءِ نزیک ءَ دریائے راوی ءِ سرا رائے منصب علی خان پُل ءِ بنداتی مراگش ءَ گوں گوشتانک کنان ءَ گوشت انت، پل ءِ جوڈ جاڑی ءَ چہ دریاء ءِ راستیں نیمگا جی ٹی روڈ ءِ نیما روکیں ٹریفک ءَ آسراتی رسیت ءُُ گرانیں ٹریفک ءَ جڑانوالہ ، ننکانہ صاحب، فیصل آباد ، جھنگ ، ٹوبہ ٹیک سنگھ ، چنیوٹ ءُُ سرگودھاءِ حاصیں زرعی ءُُ صنعتی بنجلاں سر بوت کن انت۔مزن وزیر شاہد خاقان عباسی ءَ گوشت کہ مسلم لیگ (ن) ءِ حکومت ءَ را راج ءِ ہزمت ءَ چہ داشت نہ بیت ءُُ ہزمت ءَ ہمہ کنگ انت کہ آہانی دل ءَ مھر ءُُ محبت بیت،ننداک نہ بوت انت تو مروچی پاکستان ءِ دیمروئی باز دیما شتگ ات ،کرشی ءِ حوس ایر کنوکیں مھلوک ءُُ ملک ءِ ہزمت نہ کن انت، پاکستان مسلم لیگ (ن)ءِ کارکردگی راج ءِ دیما انت ءُُ محمد نواز شریف وتی کارکردگی ءِ بنیات ءَ مھلوک ءِ تہ اوشتاتگ انت۔
