اسلام آباد/ لاہور ۔ 24 مارچ (اے پی پی) مزن وزیر شاہد خاقان عباسیءَ گوشت کہ اَستیں حکومت ءَ کمیں وسیلگ ءِ ابید جیڈھ ءَ گرودار آورتگ ، آوکیں پانزدھ سال ءَ پہ توان ءِ ضلورت ءِ ردا پیداواری منصوبگ سرجم کنگ بوتگ انت، بے روزگاریءِ ھلاسی ءَ صنعت ءِ کرد بنیاتی ارزشت دار انت۔صنعت کارانی ھاترا آسراتی ءِ پھجارگ حکومت ءِ ذمہ واری انت، سی سی وی کیبل ءِ اولی نوکتریں پلانٹ ءَ چہ توان ءِ پیداواری ھرچ ءُُ ٹرانسمشن ءِ تاوان ءَ را کمو کنگ ءَ کمک رسیت، فاسٹ کیبل ءِ اے مزنیں منصوبگ توان دُزی ءُُ ٹیکنیکل تاوان ءَ کمیں کنگ ءَ کمکار پدر بیت ، ارباں کلدار ءِ زرکاری ءَ چہ روزگارءِ نوکیں موہ پیدا بوھگ ءَ ھوارلہتیں ٹیکسانی مد ءَ ھم وصولی بنت ، صنعتی دیمروئی ءِ ھاترا پالیسیانی رد ءُُ گھبودی اژدری انت،توان پیدا کنگ ھاترا بدلیں ھاٹیگ ءِ وسیلگءَ چہ پائدگ چست کنگ ءِ ھوالہ ءَ گوں منصوبگانی سرا عمل برجاہ انت، حکومت ءَ وت بیئپار کنگی نہ ات بلکہ صنعت کاراں ءَ آسراتی پھجارگی انت۔شمبے ءَ سندر انڈسٹریل اسٹیٹ لاہورءَ فاسٹ کیبل ءِ نیمگا چہ ملک ءِ اولی سی سی وی لائنءُُ ایلومینیم الائے مینوفیکچرنگ پلانٹ ءِ بنگیج ءِ موہ ءَ مراگش ء گوں گوشتانک کنان ءَ آہاں گوشت کہ فاسٹ کیبل ءِ نیمگا چہ سی سی وی کیبل ءِ اولی نوکتریں پلانٹ ءِ بنگجی وش اھت انت،چہ ایشی ءِ توان ءِ پیداواری ھرچ درچ ءُُ ٹرانسمشن ءِ تاوان ءَ را کم کنگ ءَ کمک رسیت۔آہاں گوشت کہ فاسٹ کیبل ءِ اے منصوبگ باز حاص انت ہمہ کہ توان ءِ دُزی ءُُ ٹیکنیکل تاوان ءَ را کم کنگ ءَ کمکار پدر بیت۔آہاں گوشت کہ دگہ وسیلگ ءَ چہ تاوان ءِ خدشہ کم ءُُ نپ ءِ شرح باز بوھگ انت تنکہ ملک ءِ پائدگ ایشی ءِ تہ انت گیشاں گیش صنعت جنئگ بنت چہ ایشی ءَ حکومت ءَ را ٹیکسانی مد ءَ آمدنی ءِ ابید روزگار ءِ پھجارگ ءَ را یقینی جوڈ کنگ بیت۔آہاں گوشت کہ صنعتکارانی کرد راجی معیشت ءِ دیمروئی ءِ ھاترا باز حاص انت۔ملکی دیمروئی ءِ ھاترا حاصیں کرد ادا کنگ بوھگ انت ءُُ کسے ھم ایشی ءَ چہ انکار کت نہ کنت۔آہاں گوشت کہ حکومت صنعتی دیمروئی ءِ ودکی ءِ ھاترا آسراتی ءِ پھجارگ ءَ را یقینی جوڈ کنگ انت۔مزن وزیر ءَ گوشت کہ بد بھتی ءَ چہ حکومت کم ءَ چہ کم وھد ءَ گیشان ءَ چہ گیش ٹیکس زورگ لوٹ انت چہ ایشی ءَ چہ صنعت کار براھندگی ءِ سرا بار ءَ گیشی آھگ انت بلے مسلم لیگ نون ءِ استیں حکومت ءَ وسیلگ ءُُ آمدنی ءِ تہ گیشیءِ ھوالہ ءَ چہ وسط وھدی ءُُ دراجیں وھد ءِ پالیسی ہڈ دات انت تنکہ صنعت ءِ دیمروئی بوت کنت ءُُ مئے کوشست انت کہ پالیسی سازی ءِ کار ءَ را گیش مھکم کنگ بیت تنکہ پالیسی ساچی ءِ کار ءَ را گیش مھکم کنگ بہ بیت تنکہ پالیسی ءِ تہ کتگیں قولانی ردا شما را آسراتی رسنت۔آہاں گوشت کہ درستاں چہ بنیاتی چیز پالیسیانی گھبودی انت ءُُ مار ءَ اے ھوالہ ءَ گوں بازسوبمندی رستگ۔آہاں گوشت کہ ملک ءِ راھدبرءِ بدلی ءِ پیسلہ مھلوک ءِ ووٹ ءَ گوں بیت ءُُ راج ءِ پیسلہ ءِ ردا حکومت جوڈ بیت بلے راجی دیمروئی ءِ ھاترا جوڈ بوتگیں پالیسی قائم بنت ءُُ ایشانی سرا وڈ ءُُ پیم برجاہ بنت۔آہاں گوشت کہ صنعتی دیمروئی ءِ کار برجاہ دارگ ھاترا دراھیں شراکت دارانی ھاترا شور ءُُم صلاح ءَ گوں پالیسی ساچی کنگ بوھگ انت۔آہاں گوشت کہ فاسٹ کیبلز ءِ نیمگا چہ ارباں کلدار ءِ زرکاری ءَ چہ ایوکا روزگار ءِ موہ ودی بنت بلکیں حکومت ءَ را لہتیں ٹیکس ھم مل انت۔مزن وزیر ءَ گوشت کہ اگہ راجی صنعت دیمروئی کنت تو ملک ھم دیمروئی کنت۔آہاں گوشت کہ صنعتی دیمروئی ءَ چہ ملکی درآمدات ءَ کمی کئیت ءُُ فاسٹ کیبلز ءِ نیمگا چہ جتگیں نوکتریں پلانٹ توان ءِ بہر ءُُ بانگ کنوکیں کمپنی آنی معیاری چیزانی پھجارگ ءَ یقینی جوڈ کنیت۔مزن وزیر ءَ گوشت کہ صنعتی دیمروئی ءِ آسرءَ ہر تبک ءَ حکومت ءَ پائدگ بیت،آہاں فاسٹ کیبلزءِ بندءُُ بوجکارانی منت گپتگ انت ءُُ اے دل یقیمی ءِ درشان کت کہ ایشانی چیز میاں اوستمانی معیار ءِ ردا بنت وھدیکہ مئے دگہ صنعت ءَ ھم معیاری چیزانی جوڈ کنگ ءِ سرا دلگوشی دیگ لوٹ ایت۔
