اسلام آباد۔24مارچ(اے پی پی) سری لنکا ءِ صدرمتھری پالا سری سینا شمبے ءِ روچءَ پاکستانءِ سئے روچی ترءُ تاب ءَ را سرجم کنگءَ پد وطن رھادگ بوتگ۔ ایوان صدر ءِ نیمگءَ چہ جاری بیانءِ تہا گشگ بوتگ کہ نورخان ایئربیس ءِ سرءَ ملکءِ صدر ممنون حسین ءُ مہمان جہلی ءِ وزیر عبدالقادر بلوچ ءَ ھوار دگہ مزنیں حکام ءَ آئیءَ را رخصت کتگ۔ پاکستان ءَ وتی نندگءِ وھدءَ سری لنکا ءِ صدرءَ پاکستانءِ روچءِ درگتءَ پریڈ ءِ تہا مہمانءِ ارزشتءَ ھوار بوتگءُ ملکءِ صدر ممنون حسین ءُ مزن وزیر شاہد خاقان عباسی ءَ گوں گندءُ نند ھم کتگ۔
