اسلام آباد۔ 23 مارچ (اے پی پی) صدر مملکت ممنون حسین یوم پاکستان نا وخت آ زند انا چندی بشخ آتے ٹی ملک وقوم اکن اہم خذمت سرانجام تروک آ شخصیت آتے 58 ملٹری و 73 سول ایوارڈز تسنے، ایوارڈز تننگ نا خصوصی دود جمعہ نا دے ایوان صدر اٹی اڈ ہلک۔ فوجی کیٹیگری ٹی 44، ہلال امتیاز ملٹری و 14 ستارہ بسالت نا اعزاز تننگا، سول کیٹیگری ٹی 2نشان امتیاز، اسہ ہلال قائد اعظم، 7 ہلال امتیاز، 3 ستارہ پاکستان، 10 ستارہ شجاعت، 11 ستارہ امتیاز، 8 صدارتی ایوارڈ حسن کارکڑدگی، اسہ ستارہ قائد اعظم ، 24تمغہ شجاعت و 6 تمغہ امتیاز اوار ءُ۔ ایوارڈز تننگ نا دود اٹی وزیر آک، پارلیمان نا باسک آک، سلہہ بند فوج انا سروک آک، سفارت کار، بڑزکو سول و فوجی کمامدارآک و زند انا چندی بشخ آتیان تعلق تخوک آ بندغ آک شرکت کریر۔
