اسلام آباد۔23مارچ(اے پی پی ) ملک ءِ صدر ممنون حسین ءَ گشتگ کہ کشمیر ءِ جیڑھءُ جنجال ءِ گیشءُ گیواری تنا کشمیری آناں آھانی پیدائشی ھک، وت واجہی دیئگءِ تہا اِنتءُ پاکستان اے ھوالگءَ وتی دراھیں کوشستاں جاری داریت۔ کشمیر ھال در سروس ءِ گشگءِ ردءَ ملکءِ صدر ممنون حسین ءَ اسلام آباد ءَ پاکستانءِ روچءِ موھءَ بنجاھی مراگش ءَ گوں تران کتگءُ گشتگ کہ بے زمہ واری ءُ کنٹرول لائن ءُ ورکنگ باؤنڈری ءِ سرءَ ناھکی کنگءَ بھارتءَ را سک باز ایر جن اَنت۔ آئیءَ گشتگ کہ میاں اوستمانی امنءُ ایمنی ءِ ھاترءَ کمک پاکستان ءِ دری کارانی پالیسی ءِ بنیات اِنت۔ ممنون حسین ءَ گشتگ کہ پاکستان خطہ ءِ ملک آنی نیمگءَ چہ کمک ءِ دست دراج کنگءَ را سک باز ارزشت دنت بلے اے عمل ءَ را آئی ءِ نیزوری سرپد بوھگ یک ھترناکیں ردی بیت۔
