اسلام آباد۔23مارچ(اے پی پی) سرجمیں ملک ءَ 78می پاکستان ءِ روچ سک باز جوشءُ جزبگءَ گوں گوازینگ بوتگ۔ روچءِ بندات فجر ءِ نمازءَ پد ملکی سلامتی ءُ مھکمی ءُ دیمروئی ءُ وشھالی ءِ ھاترءَ ھاسیں دعا آں چہ کنگ بوتگ، بنجاھی حکومت ءَ 31ءُ صوبائی بنجائی حکومتاں 21، 21ٹوپانی سلامی دیئگ بوتگ۔ دراھیں ھاسیں سرکاری عمارتانی سرءَ راجی بیرک جنگ بوتگ۔ لاہورءَ علامہ اقبال ؒ ءِ مزارءِ سرءَ سرءَ گارڈ ءِ مٹی ءِ مراگش بوتگ ءُ پاک فضائیہ ءِ دستہ ءَ گارڈ ءِ فرض سنبھال اِتگ اَنت۔ پاکستانءِ روچءِ موھءَ سرجمیں ملک ءَ موکل ءِ جار جنگ بوتگ۔ ملک ءِ صدر ممنون حسین ، مزن وزیر شاہد خاقان عباسی ءَ پاکستان ءِ روچءِ موھءَ ھاسیں کلوھ جاری کتگ اَنت۔ وھدے راجی روہتاکاں 23مارچءِ ھوالگءَ ھاسیں نبشتانتاک شنگ کتگءُ ریڈیو ، ٹی وی ءِ سرءَ ھاسیں مراگش شنگ کنگ بوتگ اَنت۔ بنجاھی حکومت ءَ پاکستانءِ روچءِ درگتءَ شکرپڑیاںءِ ھندءُ دمگ ءَ سلاھ بندیں فوجءِ یک جائی پریڈ بوتگ۔ اے موھءِ سرءَ شہرآنی تہا جوش ءُ جزبگ بوتگ۔ اُلسءِ مزنیں کساسے ءَ شاہءُ دگانی سرءَ مُچ بوتگءُ پاکستانءِ روچءِ درگتءَ ھاسیں پریڈءِ ندارگ چاراِتگ ءُ پاک فضائیہ ءِ جنگی ءُ جنگولیں گراباں جوانیں ندارگ پیش داشتگ۔ ملک ءِ صدر ممنون حسین ءَ پاکستانءِ روچءِ موھءَ راج ءِ نام ءَ کلوھءِ تہا گشتگ کہ مہ مرچی ماتیں وطن ءِ دیمروئی ءُ وشھالی ءِ جزم ءِ درشانی ءَ کن اَنت ءُ تحریک آزادی ءِ مزنیں سروک ءَ را دادءُ سلام پیش کن اَنت۔ پاکستان ءِ ر وچءِ درگتءَ قائداعظم محمد علی جناح ءُ علامہ اقبال ءِ مزار انی سرءَ گارڈ ءِ مٹ کنگءِ مراگش ھم کنگ بوتگ۔
