اسلام آباد۔22مارچ(اے پی پی) پاک فضائیہ ءِ نوکیں تعینات بوتگیں سروک ایئرچیف مارشل مجاہد انور خانءَ کمانڈ سنھبالگ ءَ پد نیول ہیڈ کوارٹرءِ اولی ترءُ تاب کتگءُ پاک بحریہ ءِ سروک ایڈمرل ظفر محمود عباسی ءَ گوں گندءُ نند کتگ۔ پاک بحریہ ءَ چہ جاری پریس ریلیز ءِ ردءَ نیول ہیڈ کوارٹر آھدءَ پاک بحریہ ءِ سروک ءَ ایئر چیف مارشل مجاہد انور خانءَ را وش اَتک کتگ۔ پاک بحریہ ءِ دستہءَ مہمان ءَ را سلامی پیش کتگ کہ ایشیءَ پد نیول ہیڈ کوارٹر ءَ تعینات پرنسپل سٹاف آفیسر ءَ گوں ایئر چیف ءِ پجاروکی کتگ ۔ دونیمگی گندءُ نندءِ تہا پاک بحریہ ءِ سروک ءَ ایئر چیف مارشل مجاہد انور خانءَ را دیمروئی کنگءُ پاک فضائیہ ءِ کمان سنبھالگءِ سرءَ مراد بات داتگ۔ دوھیں فوج آنی مھکمیں سیادی ءِ ھوالگءَ گپ کتگءُ گشتگ کہ نیول چیف ءَ گشتگ کہ دراھیں ھاسیں آپریشنل ءُ انٹرسروسز کارانی کنگءِ ھاترءَ پاک بحریہ ءُ پاک فضائیہ ءِ نیامءَ کمک ءُ اثر مندیں نزیکی ءِ تہا گیش گیشی بیت۔ پاک بحریہءِ سروک ءَ مھکمیں اوستءِ دراشانی کتگءُ گشتگ کہ ایئر چیف مارشل مجاہد انور خان ءَ ایڈمرل ظفر محمود عباسی ءَ را پاک فضائیہ ءِ سرجمیں کمک ءِ اوست داتگءُ ملکی دیمپانی ءَ را ترندءُ مھکم کنگ ءِ ھاترءَ یک جاھ ھوار کار کنگ جزم کتگ۔
