اسلام آباد۔ 22مارچ (اے پی پی) مسکوہی وزیراعظم محمد نواز شریف پارینے کہ پیپلزپارٹی نا ساڑی آ کڑد انا سوب اوفتیان بھاز مایوس مسونٹ ، داکڑد آن پد نگران وزیراعظم نا بابت پی پی تون صلابت مننگ کپک ، کنا ادارہ غاتون ہچ ءُ کاریم اس اف، مچ آ معاملہ ہی مون لگک ، کارکڑد نا باوجود پن ءِ ای سی ایل اٹ شاغنگ نا سفارش کننگک۔ پنچ شنبے نادے احتساب عدالت اٹی ایون فیلڈریفرنس نا سماعت نا وخت آ صحافی تتون غیر رسمی ہیت وگپ کرسا مسکوہی وزیراعظم محمد نواز شریف پارے کہ کنا ادارہ غاتون ہچ ءُ کاریم اس اف، مچ آ معاملہ ہی مون لگک، کارکڑد نا باوجود پن ءِ ای سی ایل اٹ شاغنگ نا سفارش کننگک۔ مسکوہی وزیراعظم محمد نواز شریف نا پاننگ ئس کہ لوڈشیڈنگ ءِ چٹفوک آ ، ایٹمی دھماکہ کروک آ و کراچی نا امن ءِ بحال کروک آ عدالت اٹ تولوک ءِ، ای آئین نا بالادستی کن غٹ اتون تولنگ کن تیار اُٹ۔
