اسلام آباد۔ 21مارچ (اے پی پی) بنجائی وزیر دفاع انجینئر خرم دستگیر خان تون پاکستان اٹی متحدہ عرب امارات نا سفیر حامد عبید ابراہیم سالم الزابی وزارت دفاع راولپنڈی ٹی اوڑدہی کرے۔ بنجائی وزیر دفاع پوسکن آ تقرری آن پد زمواری تے سنبھالنگ آ متحدہ عرب امارات نا سفیر کن نیت است خواہی تا درشانی ءِ کرے۔ بنجائی وزیر دفاع دااومیت نا درشانی ءِ کرے کہ اونا دور سفارت اٹی پاکستان و متحدہ عرب امارات نا دوستانہ تعلقداریک پین سوگو مریرہ۔ سفیر حماد ابراہیم سالم الزابی پاکستان اٹی سفارتی زمواری ملنگ آ خوشی نا درشانی ءِ کرے و پارے کہ او پاکستان تون مست آن ساڑی دوستانہ و خڑکی خوشگوار تعلقداری تے پین سوگو جوڑ کننگ کن تینا لائخی و عہدہ ءِ کاریم اٹ اتیک۔ بنجائی وزیر دفاع متحدہ عرب امارات نا شونداری و شونہالی کن صدر خلیفہ بن زائدالنہیان ہرا متحدہ عرب امارات نا سلہہ بند فوج انا سپریم کمانڈر ہم ارے، نا کوشست و ویژن نا ستاءِ کرے۔ اوپارے کہ پاکستان و متحدہ عرب امارات قابل قدر اسٹریٹجک پارٹنرز مریرہ و بڑزکو کہولی رابطہ غاتیان ہڑتوم آ مثالی تعلقداری تے ٹی پین ترندی بریک۔

متعلقہ مضامینمصنف کی طرف سے مزید