اسلام آباد۔ 21مارچ (اے پی پی) قومی احتساب بیورو(نیب) انا چیئرمین جسٹس (ر) جاوید اقبال پارینے کہ بدعنوانی غٹ برائی تا ماس ءِ ، نیب بدعنوانی تون آہنی دوتے اٹ مون تننگ کن تینا وڑوڈول ءِ گچین جوڑ کرینے، نیب ’’احتساب غٹ انا‘‘ نا پالیسی آ عمل کرسا بدعنوانی نا بے پرخ چٹفنگ کن انسداد بدعنوانی نا جامع قومی حکمت عملی اس وضع کرینے، نیب انا غٹ آفیسر آک تینا قومی فرض سمجھسا بدعنوانی نا چٹفنگ کن پرعزم ءُ۔ اوپارے کہ نیب قوم انا اومیت آتیا پورو سلنگ و وڈی خوری تون آہنی دوتے اٹ مون تننگ کن تینا وڑوڈول ءِ گچین جوڑ کرینے، نیب انا فرانزک سائنس لیبارٹری ٹی ڈیجیٹل فرانزک سوالیہ دستاویز و فنگر پرنٹ انا جاچ انا آسراتی ساڑی ءِ ہراڑآن انکوائری و جاست وپاست نا آب اٹ پین گچینی بسنے۔
