مزن وزیر ءَ چین ءِ جتا جتائیں دمگاں تباہ کنوکیں ھئور، ھور ءُ زمین چنڈ ءِ سبب ءَ جانی ءُ مال ءِ تاوان ءِ سر ءَ دلپدردی ءُ گم ءِ درشانی

اسلام آباد۔8جولائی  (اے پی پی): مزن وزیر محمد شہباز شریف ءَ چین ءِ جتا جتائیں دمگاں تباہ کنوکیں ھئور، ھور ءُ زمین چنڈ ءِ سبب ءَ جانی ءُ مال ءِ تاوان ءِ سر ءَ دلپدرد ءُ گم ءِ درشانی کتگ۔ چار شمبے ءِ روچ ءَ سوشل نیٹ ورکنگ ءِ ویب سائٹ ’’ایکس‘‘ ءِ سر ءَ جاڑی بوتگیں بیان ءِ تہ ءَ مزن وزیر ءَ گوشت کہ چین ءِ گوانگسی ژوانگ وت واجہیں دمگ ءُ ھوبے ءَ گوستگیں تباہ کنوکیں ھئور، ٹورنیڈو، زمین چنڈ ءُ مزنیں ھور آنی سبب ءَ گران بھائیں جان ءُ مال ءِ تاوان ءِ سر ءَ دلپدردی ءُ گم ءِ درشانی کنت۔ آئی ءَ پاکستان ءِ الس ءُ آئی ءِ نیمگ ءَ صدر شی جن پنگ، چین ءِ حکومت، الس ءُ ھاسیں رنگ ءَ پش کپتگیں کھول ءِ گوما دلپدردی ءُ ھمدردی ءِ درشانی کت۔ مزن وزیر ءَ گوشت کہ اے گرانیں وھد ءَ ما وتی چینی برات ءُ گہار آنی گوما سرجمیں رنگ ءَ یکوئی ءِ درشان کن آں ءُ ٹپیگ آناں زوت جان سلامتی ءُ ریلیف ءُ ریلیف ءِ کوشست آنی واھگ دار ایں ۔ ریسکیو آپریشن ءِ سوبمندی ءِ ھاترا دعا کنگ۔