صدر آصف علی زرداری ءَ چین ءَ تباہ کنوکیں سیلاب ءُ ھئور ءِ سبب ءَ بوتگیں تاوان ءِ سر ءَ دلپدردی ءُ اپسوز ءِ درشانی

اسلام آباد۔8جولائی  (اے پی پی): صدر آصف علی زرداری ءَ چین ءَ تباہ کنوکیں سیلاب ءُ ھئور ءِ سبب ءَ بوتگیں تاوان ءِ سر ءَ سک باز دلپدردی ءُ اپسوز ءِ درشانی کتگ۔ چار شمبے ءِ روچ ءَ سوشل نیٹ ورکنگ ویب سائٹ ’ایکس‘ ءِ سر ءَ جاڑی بوتگیں بیان ءِ تہ ءَ آئی ءَ گوشت کہ چین ءَ تباہ کنوکیں سیلاب ءُ ھور ءِ سبب ءَ مئے چینی برات ءُ گہار آناں بوتگیں تاوان ءِ سر ءَ سک باز دلپدرد ءُ پشومان آں ۔ آئی ءَ گوشت کہ آ وتی نزیکیں مردم بیران بوتگیں ھاندان آنی گوما دلپدردی ءِ درشان ءَ کنت ءُ اے گرانیں وھد ءَ چین ءِ اُلس ءِ گوما پاکستان ءِ سرجمیں یکوئی ءِ پدر کنگ ءَ اِنت۔ صدر ءِ مملکت ءَ گوشت کہ مئے آہنی دوستی مدام مھکم ءُ پائیدار بیت۔