کوئٹہ۔21مارچ(اے پی پی) اسپیکر بلوچستان صوبائی اسمبلی محترمہ راحیلہ حمید خان درانی ءَ گوشت کہ چین پاکستان اقتصادی راہداری منصوبگ پاکستان ءِ ھوار سرجمیں دگنیا ءِ ھاترا گیم چینجر پدر بیت۔ سی پیک ءَ چہ درملکی زرکاریءَ چہ توامیں دمگ ءِ قسمت بدل بیت،سی پیک منصوبگ ءِ ردا بنیاتی انفراسٹرکچر ءِ گہتری ءُُ انرجی سپلائی ءَ چہ دیمروئی ءُُ وشھالیءَ ھوار معیشت سوگو بیت۔اے ھیالانی درشان آہاں چار شمبے ءَ کراچی ءِ تہ حکومت بلوچستان ، پاکستان انسٹی ٹیوٹ آف مینجمنٹ ءُُ بلوچستان اکنامک فورمءِ کمک ءَ گوں CPEC: HIDDEN DIMENSIONS ءِ نام ءَ برجم داشتگیں یک روچیں کانفرنس ءَ گوں گوشتانک دیان ءَ کتگ انت۔جارچین ءَ گوشت کہ چین پاکستان اقتصادی راہداری منصوبگ مئے دمگ ءِ ھاترا اے صدی ءِ گیم چینجر منصوبگ انت چہ ایشی ءِ اقتصادی دیمروئی ءُُ روزگار ءِ نوکیں راھ پچ بنت۔آہاں گوشت کہ اے منصوبگ ءِ سرجمی ءَ چہ دمگ ءِ تہ امن ءُُ معیشت ءِ دیمروئی بیت
