اسلام آباد۔ 21مارچ (اے پی پی) وزیراعظم شاہد خاقان عباسی اوغانستان تون چندی بشخ آتے ٹی ہڑتوم آ کنڈآتا فائدہ غا تالان سرجز آتے ٹی کمکاری نا مون آ دننگ نا پاکستانی است خواہی نا درشانی ءِ کرینے، وزیراعظم کابل اٹی اسہ مزار اسے نا خڑک آ خودکش جلہو نا ترندی اٹ مذمت ءِ کرینے ہراٹی کیہی انسانی جانک زیان وخت اس کہ چندی بندغ آک ٹھپی مسر۔ چارشنبے نادے داڑے جاری بیان نا رداٹ وزیراعظم شاہد خاقان عباسی داہیت ءِ پاکستان اٹی اوغانستان نا سفیر حضرت عمرزاخیل وال تون ہیت وگپ کرسا پارے ہراداڑے وزیراعظم آفس اٹی اوڑتون اوڑدہی کرے۔ اوڑدہی ٹی ہڑتوم آ ملک آتا نیام اٹ ہڑتوم آ کنڈآتا تعلقداری و اوغانستان اٹی دیرپا امن و سوگوی کن کوشست آتا بابت معاملہ غاتیا ہیت وگپ مس۔ وزیراعظم کابل اٹی اسہ مزار اسے نا خڑک آ خودکش جلہو نا ترندی اٹ مذمت ءِ کرے ہراٹی کیہی انسانی جانک زیان وخت اس کہ چندی بندغ آک ٹھپی مسنو۔ وزیراعظم دہشت گردی نا دا بہیمانہ کارروائی ٹی اوغان حکومت و الس تون یکجہتی نا درشانی ءِ کرے۔
