اسلام آباد۔ 21مارچ (اے پی پی) وزیراعظم نا خصوصی کمکار بیرسٹر ظفراللہ خان پارینے کہ دہشت گردی و انتہاپسندی نا برخلاف عالم اسلام اگہ درست سمت آ روان مسکہ تو ننے داحالیت آتون مون تروئی تمتوکہ، عالم اسلام سوشل سائنسز و کانود نا بابت جہانی کہول آ مروک آ بدلی تیا چکار کے۔ راج انا پوسکن آ بنداو تیا جوڑ کننگ کن ننے فتوہ نا حیثیت نا تعین ءِ کروئی مریک، ویل آتون مون تننگ کن ’’کلہو پاکستان‘‘ گچین بیانیہ جوڑ مریک۔ چارشنبے نادے اسلامی نظریاتی کونسل اٹی ’’کلہو پاکستان دہشت گردی و انتہاء پسندی نا برخلاف متفقہ بیانیہ ‘‘ نا سرحال آن اڈ ہلوک آ میز کانفرنس آن تران کرسا اوپارے کہ خوش آئند ہیت دادے کہ نن قومی بیانیہ غا ہیت وگپ کننگ اُن۔
