اسلام آباد۔21مارچ(اے پی پی) ملکءِ صدر ممنون حسین ءَ ایئر چیف مجاہد انور خانءَ را نشان امتیاز داتگ۔ اے ھوالگءَ چارشمبے ءِ روچءَ ایوان صدرءَ یک پُرمڈاھیں مراگشے کنگ بوتگ۔ اے موھءِ سرءَ ملک ءِ صدرءَ ایئر چیف مارشل مجاہد انور خان ءَ را پاک فضائیہ ءِ کمان سنھبالگ ءِ سرءَ مراد باد داتگ۔ مراگشءَ پد صدرءَ گوں پاک فضائیہ ءِ سروکءَ تنائی ءَ گندءُ نند کتگ۔ اے موھءِ سرءَ صدرءَ اُمیتءِ درشانی کتگ کہ آئی ءِ سروکی ءَ پاک فضائیہ ءِ معیار ءُ کسبی زانت کاری ءِ تہا گیش گیشی بیت۔ مراگش ءِ تہا دیمپانی ءِ بنجاھی وزیر انجینئر خرم دستگیر خان، ، وزیر دفاعی پیداوار رانا تنویر حسین، وزیرسیفران لیفٹیننٹ جنرل (ر) عبدالقادر بلوچ، جوائنٹ چیفس آف سٹاف کمیٹی ءِ سروک جنرل زبیر محمود حیات ءُ پاک بحریہ ءِ سروک ایڈمرل ظفر محمود عباسی ءَ ابید دگہ مزنیں حکام ھم ھوار بوتگ اَنت۔
