اسلام آباد۔21مارچ(اے پی پی) تہی کارانی بنجاھی وزیر ، منصوبہ بندیءُ دیمروئی اصلاحات پروفیسر احسن اقبال ءَ گشتگ کہ سرپانک حکومت ءِ ھاترءَ مزن وزیر ءَ شورءُ صلہ بندات کتگ، جمہوریت ءِ پاھدگ ءَ گہتریں نامانی سرءَ تپاک کن اَنت، ای سی ایل ءِ تہا ھوار 600مردمانی ھوالگءَ پیسلہ ءَ را کابینہ کنت، پاکستانءُ وسطی ایشیائی ملک آنی راج دپترءُ دودءُ ربیدگ یک وڈ اَنت۔ اے ھیالانی درشانی آئیءَ چارشمبے ءِ روچءَ ’’ پاکستان مشرق وسطیٰ ءِ ملک آنی ھاترءَ موھءِ سرڈگار‘‘ ءِ ھوالگءَ چہ سیمینار ءَ گوں تران کنانءَ کتگ۔ بنجاھی وزیرءَ گشتگ کہ سرپانک حکومت ءِ ھاترءَ مزن وزیر ءَ شورءُ صلہ بندات کتگ ۔ گہتریں نام گچین کنگ بنت۔ یک جستے ءِ پسوءَ آئی ءَ گشتگ کہ ای سی ایل ءِ تہا 600مردمانی نام دیم دیئگ بوتگ اَنت، اے اگست 2016ءَ رند ای سی ایل ءِ تہا مان کنگ بوتگ اَنت، ای سی ایل ءِ تہا ھوار 600مردمانی ھوالگءَ پیسلہ ءَ کابینہ کنت۔ احسن اقبالءَ گشتگ کہ پاکستان ءَ را جغرافیائی ارزشتءَ یک ھاسیں بستارے اَست اِنت۔ آئی ءَ گشتگکہ سی پیک ءَ چہ وسطی ایشیائی ملک آناں ھم یک بیپاری پلیٹ فارم جوڈ کن اَنت، وسطی ایشیاء ءَ تاں بہ گر تاں روسءَ ملک سی پیک ءَ گوں بندوک بنت، کہ ایشی ءَ چہ پاکستان ، اوگانستان ءُ بھارت توانائی ءِ پڈءَ پاھدگ چست کن اَنت۔
