اسلام آباد۔21مارچ(اے پی پی) ھال ءُ اھیوال کاریءُ شنگکاری ءِ ملکی وزیر مریم اورنگزیبءَ گشتگ کہ پاکستان سپرلیگ ( پی ایس ایل ) سوبمندیں ھڈ کنگ امن ءُ ایمنی ءِ گہتریں جاورھال ءِ عکسءَ پیش داریت ، اے انوگیں حکومتءِ ویژنءِ ردءَ تچکیں پالیسی ءِ برورد اِنت ، صوبائی حکومتانی کمک ءُ سلاھ بندیں فوجءِ بے مٹیں قربانی ءَ چہ ناشرکاری ھلاس بوھگءَ اِنت، مئے شہیداں وتی ھوناں چہ امنءُ ایمنی ءِ چراگ روک کتگ اَنت، پاکستان ءِ تہا امنءُ ایمنی ءِ جاورھال گہتر بوھگءَ چہ میاں او ستمانی لیبانی واتری ءُ لیب ءِ پڑآبات بوھگءَ اَنت۔ چارشمبے ءِ روچءَ وتی بیان ءِ تہا ھال ءُ اھیوال کاریءُ شنگکاری ءِ ملکی وزیر مریم اورنگزیبءَ گشتگ کہ انوگیں حکومت ءِ پالیسی ءُ پیسلہ ءَ چہ ملک وشھال ءُ دیمروئی ءِ نیمگءَ رھادگ اِنت۔ آئیءَ گشتگ کہ 2013ءِ جیڑھءُ جنجالاں ھلاس اَنت ءُ پاکستان روژناھ اِنت۔ آئیءَ گشتگک کہ پنجاپءِ سروزیر محمد شہباز شریف ءِ زاتی ھدوکی ءَ چہ لاہور ءَ میاں اوستمانی لیبانی واتری ءَ چہ لیبانی سرءُ پر گیش بوتگ اَنت ۔ آئیءَ گشتگ کہ لاہورءَ پی ایس ایل لیب چارگ ءَ شہرآنی جوشءُ جزبگ باز اِنت۔ لاہورءِ مہمان جہلی پی ایس ایل لیبی آنی دلاں دائمءَ زندگ بیت۔
