اسلام آباد۔ 21مارچ (اے پی پی) صدر مملکت ممنون حسین ایئر چیف مجاہد انور خان ءِ نشان امتیاز ملٹری اس تس ۔ دابابت چارشنبے نادے آ ایوان صدر اٹی اسہ دود اس شان و شرف اٹ اڈتننگا۔ داوخت آ صدر مملکت ایئر چیف مارشل مجاہد انور خان ءِ پاک فضائیہ نا کمان ءِ سنبھالنگ آ مبارکبادی تس۔ دود آن پد صدر مملکت تون پاک فضائیہ نا سروک جتااوڑدہی کرے۔ داوخت آ صدر مملکت اومیت نا درشانی ءِ کرے کہ اونا سرکڑدہ ہی ٹی پاک فضائیہ نا آب و کسبی لائخی تیٹی پین ودکی مریک۔ دو د اٹی بنجائی وزیر دفاع انجینئر خرم دستگیر خان ، وزیر دفاعی پیداوار رانا تنویر حسین، وزیر سیفران لیفٹیننٹ جنرل (ر) عبدالقادر بلوچ، جوائنٹ چیفس آف اسٹاف کمیٹی نا سروک جنرل زبیر محمود حیات و پاک بحریہ نا سروک ایڈمرل ظفر محمود عباسی آن بیدس ایلو بڑزکو کمامدار آک ہم ساڑی ئسر۔
