حکومت نا گچین پالیسی تا سوب پاکستان اٹی ارب آ ڈالر نا پیشن نا زرکاری، پاکستانی معیشت سوگو مننگ ءِ
اسلام آباد۔ 21مارچ (اے پی پی) بنجائی وزیر داخلہ احسن اقبال پارینے کہ پاکستان مسلم لیگ (ن) نا ساڑی آحکومت نا گچین و کاریمی پالیسی تا سوب پاکستان اٹی ارب آ ڈالر نا پیشن نا زرکاری آن پاکستانی معیشت سوگو مننگ ءِ۔ تدوک آ دے اسہ نجی ٹی وی چینل اسے تون ہیت وگپ کرسا اوپارے کہ ننے سوگو ءُ اومیت اس ارے کہ نن پرعزم اُن کہ ننا الس دُوارہ پاکستان مسلم لیگ (ن) ءِ وونٹ ترسا سرسہب کیک، نن 2018 ء نا لس گچین کاری تیٹی سرسہبی دوئی کننگ آن پد سی پیک تون اوار ایلو السی شرحالی ڈٹ آتا پالیسی نا ایجنڈا ءِ برجاتخنہ و السی خذمت نا سفر ءِ مون آ دینہ۔ اوپارے کہ ساڑی حکومت ملکی توانائی تنکی تا ویل ءِ ایسر کرینے، 10 ہزار میگاواٹ آن زیات بجلی قومی نظام اٹ اوار کرینے۔ پاکستان تحریک انصاف نا سیاست نا بارواٹی تران کرسا اوپارے کہ پاکستان تحریک انصاف نا سیاست نا محور بیرہ محمد نواز شریف ءِ و نئے او گو نواز گو آن مون آ تینا وژن ءِ ہی صفا کننگ کرینو۔ ہنداسوب ءِ کہ ہمو بندغ آک ہرا پاکستان تحریک انصاف تون سلیسوسر او ہم داسہ اوکان مون ءِ ہڑسنگ ءُ انتئے کہ خلقت پی ٹی آئی نا منفی و بے بنداو دروغ انا دوبہ غاتا سیاست آن تنک مسنو۔
