راولپنڈی۔ 21مارچ (اے پی پی) پاک فوج انا شعبہ تعلقات عامہ (آئی ایس پی آر ) یوم پاکستان کن چیئرمین سینیٹ، اسپیکر قومی اسمبلی ، وزیر دفاع، اطلاعات و قومی اسمبلی ٹی اپوزیشن لیڈر آتا کلہو آتیا تالان پوسکن ءُ پرومواس جاری کرینے۔ آئی ایس پی آر نا کنڈآن جاری کروک آ پوسکن آ پرومو ٹی چیئرمین سینیٹ صادق سنجرانی پارے کہ ببو تینا وطن ءِ عزیز ءِ پرامن و شونہال جوڑ کین ، ہر اسہ پاکستانی توار خلک پاکستان، امن نا نشانہ دا ننا پاکستان۔ اسپیکر قومی اسمبلی سردار ایاز صادق پارے کہ امن نا نشان ننا پاکستان ننا غٹ انا اسیجائی است خواہی ءِ۔ وزیر دفاع انجینئر خرم دستگیر خان پارے کہ سوگو دفاع رکھوک پاکستان نا ضمانت ءِ۔ وزیر مملکت اطلاعات ، نشریات ، قومی تاریخ و ادبی میرات مریم اورنگزیب پارے کہ نن غٹ یکجا مرسا غٹ تقسیم و تفریق نا لکیر آتے مٹائفسا اسٹ مرین۔ قومی اسمبلی ٹی اپوزیشن لیڈر سید خورشید احمد شاہ پارے کہ داپاکستان ننا غٹ انا پاکستان ءِ۔
