اسلام آباد۔20مارچ(اے پی پی ) مزن وزیر شاہد خاقان عباسی ءَ پاک فضائیہ ءِ سروک ایئر چیف مارشل مجاہد انور خانءِ گندءُ نند، پاک فضائیہ ءِ ھوالگءَ امورءِ سرءَ ھیال ءُ لیکہ ءِ درشانی کتگ ۔ آھاں سئے شمبے ءِ روچءَ مزن وزیر کارگسءَ گندءُ نند کتگ۔ گندءُ نندءِ تہا پاک فضائیہ ءِ ھوالگءَ کارانی سرءَ ھیال ءُ لیکہ ءِ درشانی کنگ بوتگ۔ مزن وزیر کارگس ءِ نیمگءَ چہ جار ی بیانءِ تہا مزن وزیرءَ ایئر چیف مارشل مجاہد انور خانءَ را نوکیں زمہ داری سنھبالگءَ مراد بات داتگ ءُ اُمیت کتگ کہ پی اے ایف آئیءِ زانتکاریءَ چہ پاھدگ چست کنت۔ ایئرچیف مارشل مجاہد انور خانءَ اوست کنگءَ مزن وزیر ءِ شگرءُ منت گپتگ ءُ آئیءَ را اوست داتگ کہ آ ملک ءِ بُرزی سیمسراناں گیش مھکم کنگءِ ھاترءَ دلجمی ءِ گوما کار کنت۔
